Ditzionàriu in línia
de sa limba e de sa cultura sarda

abbusài, abbusàre , vrb Definizione su si serbire de calecuna cosa prus de su chi si depet, in manera esagerada, a tropu; aprofitare de calecuna cosa o de ccn. Sinonimi e contrari aprofitai Frasi presenteit una lege contra a sos chi abbusaiant de su binu ◊ de sa passiéntzia mia no ti ndhe abbuses ca la perdo puru! 2. no ti abbusis mai de su trabballu de su pòbiru, ca est vilesa! Traduzioni Francese abuser Inglese to abuse Spagnolo abusar Italiano abusare Tedesco mißbrauchen.

abbúsu , nm Definizione impreu irmodidu o malammodidu de una cosa; aprofitamentu de calecuna cosa o de ccn., cosa chi no si depet fàere, chi no pertocat Sinonimi e contrari aprofitu Frasi no est s'abbusu de su binu ebbia chi a s'ómine truncat su recreu (A.Paba)◊ de mali ndi ant fatu a dónnia genia, però ge ndi dh'eus bogau s’abbusu!◊ deo apo fatu abbusu de fumu e de tabbacu ◊ si aias àpidu ànima e cusséntzia no mi l'aias fatu cussu abbusu! (Farina) Traduzioni Francese abus Inglese abuse Spagnolo abuso Italiano abuso Tedesco Missbrauch.

matrataméntu , nm Definizione malu tratamentu, su maletratare, su pigare s'àteru, o fintzes animales e cosas, de mala manera de dhis fàere male, de dhos guastare Sinonimi e contrari atrasetu, istragu, maltratu Traduzioni Francese mauvais traitements Inglese abuse Spagnolo malos tratos Italiano maltrattaménto Tedesco Mißhandlung.