Ditzionàriu in línia
de sa limba e de sa cultura sarda

abbusài, abbusàre , vrb Definitzione su si serbire de calecuna cosa prus de su chi si depet, in manera esagerada, a tropu; aprofitare de calecuna cosa o de ccn. Sinònimos e contràrios aprofitai Frases presenteit una lege contra a sos chi abbusaiant de su binu ◊ de sa passiéntzia mia no ti ndhe abbuses ca la perdo puru! 2. no ti abbusis mai de su trabballu de su pòbiru, ca est vilesa! Tradutziones Frantzesu abuser Ingresu to abuse Ispagnolu abusar Italianu abusare Tedescu mißbrauchen.

abbúsu , nm Definitzione impreu irmodidu o malammodidu de una cosa; aprofitamentu de calecuna cosa o de ccn., cosa chi no si depet fàere, chi no pertocat Sinònimos e contràrios aprofitu Frases no est s'abbusu de su binu ebbia chi a s'ómine truncat su recreu (A.Paba)◊ de mali ndi ant fatu a dónnia genia, però ge ndi dh'eus bogau s’abbusu!◊ deo apo fatu abbusu de fumu e de tabbacu ◊ si aias àpidu ànima e cusséntzia no mi l'aias fatu cussu abbusu! (Farina) Tradutziones Frantzesu abus Ingresu abuse Ispagnolu abuso Italianu abuso Tedescu Missbrauch.

matrataméntu , nm Definitzione malu tratamentu, su maletratare, su pigare s'àteru, o fintzes animales e cosas, de mala manera de dhis fàere male, de dhos guastare Sinònimos e contràrios atrasetu, istragu, maltratu Tradutziones Frantzesu mauvais traitements Ingresu abuse Ispagnolu malos tratos Italianu maltrattaménto Tedescu Mißhandlung.