Legenda Abbreviazioni | Legenda Simboli

ammurrài 1 , vrb: ammurrare 1 Definizione fàere o essire de colore murru, in colore de chinisu (nau de is pilos); fàere de colore iscurosu, su colore chi faet su sole meda a sa carrítzia Sinonimi e contrari immurrai, incanire, incanudai / acotilai, ammoriscai, recòghere Frasi candu s'ómini intrat in edadi dhi ammurrant is cucas Etimo srd. Traduzioni Francese grisonner Inglese to become grey Spagnolo grisear Italiano ingrigire Tedesco grau werden.

cinixàli , agt, nm Definizione nau de colore, chi est che a su chinisu, in colore de chinisu; fintzes chi istat sèmpere in su chinisu, a pata a fogu Sinonimi e contrari chijinatu, cinisacu, múrinu, murru 1, pàldinu / chinisaju, chighineri Frasi est unu cuadhu murru cinixali 2. su nai ca is amigas mias funt totu bèni cuncordadas candu andant a Missa e dèu sempri acorrovedhada in domu coment'e su gatu cinixali! (I.Raccis) 3. is pastoris ch'ia connotu no si lassànt binci de su fasciugu e cuntziderànt su cinixali coment'e su peus caciapu Terminologia scientifica clr Etimo srd. Traduzioni Francese cendré Inglese ashy, grey Spagnolo ceniciento Italiano cenerìccio, grìgio Tedesco aschgrau.

ferulàtu , agt: fiurratzu Definizione chi est in colore de su truncu de sa feurra (orrubiasta candho est sicada) Sinonimi e contrari múgiu Frasi su macioni fiurratzu bendint a noi arrialis… Terminologia scientifica clr Etimo ltn. ferulaceus Traduzioni Francese gris foncé Inglese dark grey Spagnolo gris marengo Italiano grìgio scuro Tedesco dunkelgrau.

líssa , nf Definizione genia de pische de mare e de paule (o pischera), a iscata cantu s'unga (is calidades prus mannas, ma dhue ndh'at calidade pitica puru): pische de Aristanis Sinonimi e contrari mughedhu, músulu, muzaldu Frasi apu agatau lissa bella e barata ◊ dhi praxit sa lissa a brenti límpia, sa de foxi, sa de stàini ◊ mi at mannatu unu pratu de lissa Terminologia scientifica psc, mugil cephalus Etimo ctl. llissa Traduzioni Francese muge, mulet Inglese grey mullet Spagnolo mújol Italiano cèfalo, mùggine Tedesco Meeräsche.

múrru 1 , agt Definizione chi est coment'e in colore de chinisu: si narat mescamente de pilos, de intinas de animales candho su pilu est de colores ammesturaos, parte de unu colore e parte biancu incanindho; si narat fintzes de frutuàriu cumenciandho a còere, a inniedhigare coendho / figu murra = una creze de figu chi assemizat a sa figu cana de colore e de fatura (tundhatza), ma est premedia (e de duas bias), prus abbosa, prus madura e prus gustosa; bíderendhe murras e bajas = de dónnia colori, provai cosas (e malis) de dónnia genia Sinonimi e contrari chijinatu, cinixali, múrinu / imbarjau, murrinau Frasi gei no as a bolli chi filla tua fetzat pius murrus in domu?!◊ gei no aspetas a fai pius murrus, no! ◊ po chi portis sa conca murra, lah no ti acontessat de arregolli surra! Terminologia scientifica clr Etimo ltn. murinus Traduzioni Francese gris Inglese grey Spagnolo gris Italiano grìgio Tedesco grau.

pàldinu , agt Definizione chi est in colore de chinisu Sinonimi e contrari chijinatu, cinisacu, cinixali, múrinu, murru 1, pardu* 1 Terminologia scientifica clr Traduzioni Francese bis Inglese grey (dull) Spagnolo ceniciento Italiano bìgio Tedesco aschgrau.

pargherínu , agt Definizione nau de colore de chinisu iscurosu Frasi craba pargherina Terminologia scientifica clr Traduzioni Francese gris foncé, céruléen Inglese dark grey Spagnolo gris oscuro Italiano grìgio scuro, o cerulino Tedesco dunkelgrau, blaugrau.

«« Cerca di nuovo