Legenda Abbreviazioni | Legenda Simboli

antalíre , nm: antarile, antariri, anterile Definizione in is aperturas (gennas), su muru a una bandha e àtera, is muros de costau de s'apertura / s'antarile de sa zanna, de sa ziminera, de su furru Sinonimi e contrari antili, cantalire, cantargiare, cosciale, istantalire, trempai Frasi su preíderu est essidu dai crésia e si est frimmadu in s'antarile de sa gianna ◊ lassàdemi a sa sola in s'antalire de s'àidu! ◊ ite li as a contare a cudha tzia chi t'isetat in s'anterile? Terminologia scientifica dmo Etimo srd. Traduzioni Francese huisserie Inglese jamb Spagnolo jamba Italiano stìpite Tedesco Pfosten.

cantalíre , nm: cantarile, canterile Definizione in is aperturas (gennas), su muru a una parte e a s'àtera, is muros de costau de s'apertura Sinonimi e contrari antalire, cantargiare, cosciale, istantalire, trempai Frasi candho ibbabbu, fizu mé, istentavat a ghirare, immamma s'imbaravat a su canterile de sa zanna, cun sos òcios in sa mina Terminologia scientifica dmo Etimo srd. Traduzioni Francese huisserie, montant Inglese jamb Spagnolo jamba, mangueta, pie derecho Italiano stìpite, stàggio del telàio della pòrta Tedesco Stamm.

cembràna, cempràna , nf: ciambrana, cimbrana, sambrana, tzembrana Definizione su telaju de linna in costaos e in pitzu de un'apertura ghennas e fentanas); s'arcu in pitzu de is ghennas Sinonimi e contrari bastimentu 1, cartera, imbastimentu / arcali Frasi subra de sa cembrana bi at una melaghidonza e unu limone Terminologia scientifica dmo Traduzioni Francese corniche, huisserie Inglese label, jamb Spagnolo montante Italiano cornicióne, stìpite Tedesco Kranzgesims, Türpfosten.

cosciàbi, cosciài, cosciàle, cosciàli , nm Definizione in is aperturas (gennas, gecas), su muru a una parte e àtera, is muros de costau de s'apertura, pedra istrantagiada a una parte e àtera (o fintzes a una solu) de un'intrada; nau de pantalones, cambera, donniuna de is duas perras; sa grussària de sa còscia, sa misura de inghíriu de sa còscia Sinonimi e contrari antalire, antile, cantalire, cantargiare, istantalire, trempai / cdh. cusciali / cambera Frasi sos cosciales de sa gianna ◊ est arrumbadu in s'ata de su cosciale, in pensos 2. apu segau su cosciali de su cartzoni ◊ custa píbera nanca ci dh'est istichida in su cosciabi de su pantaloni Terminologia scientifica dmo Etimo srd. Traduzioni Francese huisserie Inglese jamb Spagnolo montante Italiano stìpite Tedesco Pfosten.

istantalíre , nm: istantarile Definizione in is aperturas (gennas), su muru a un'ala e àtera, is muros de costau de s'apertura; sa parte de s'arau chi si fichit in sa dentale Sinonimi e contrari antalire, cantalire, cantargiare, cosciale, istantaloru, trempai / cdh. stantarili / istantalíciu, isteva Terminologia scientifica dmo Etimo srd. Traduzioni Francese huisserie Inglese jamb Spagnolo jamba Italiano stìpite Tedesco Pfosten.

trempài, trempàle, trempàli , nm Definizione in is aperturas (gennas), su muru a una parte e àtera, is muros de costau de s'apertura: trempale est logu a trempa, in calada, logu trotu de monte; a logos fintzes una genia de tzàpulu in is pantalones in pitzu de is benugos po afortimentu Sinonimi e contrari antalire, cantalire, cantargiare, cosciale, istantalire / colta, palinza, trempa, trempile Frasi su trempali de s'enna, de su muru ◊ su trempai de crésia mi siat testimóngiu! ◊ tirada sa genna, un’arriu de genti si nc'est iscutu a intru istrechendi costas contras a is trempalis 2. in sos trempales predosos creschet sa lua Terminologia scientifica dmo, slg Etimo srd. Traduzioni Francese huisserie Inglese jamb Spagnolo jamba Italiano stìpite Tedesco Pfosten.

«« Cerca di nuovo