Ditzionàriu in línia
de sa limba e de sa cultura sarda

calidàde, calidàdi , nf: callidadi Definizione totu su chi distinghet una cosa o a unu, su chi faet sa diferéntzia de una cosa, o de unu, de un'àtera o un'àteru Modi di dire csn: genti de calidadi = sennoriu, zente de importu; èssiri a calidadi, in calidade de… = èssere a tretu, in cundissiones de…; èssere de sa menzus c. = itl. òttimo Frasi calidade mala, cussa robba: no est durada nudha! ◊ benimindi genti: imbriagonis de dónnia calidadi! ◊ in su mundhu bi at pessones de onzi calidade ◊ mi ndhe ant postu calidades bonas de cussa pitzinna ◊ cussu est ómine de calidades bonas ◊ cumpadessat ca no teneus logu de arriciri genti de calidadi cumenti a issa!◊ cussu poeta faghet otadas de sa menzus calidade 2. abarra in domu e curadí, no ses a calidadi de sighiri a trabballai!◊ no so piús in calidade de incantare bajanas! Etimo spn. Traduzioni Francese qualité Inglese quality Spagnolo calidad Italiano qualità Tedesco Eigenschaft.

cannonàdu , nm, pps: cannonatu, cannonau Definizione calidade de àghina niedha chi giaet unu de is méngius binos sardos / coment'e pps., de cannonare Sinonimi e contrari cagnolare Frasi su cannonau cosa sua si callat in s’unga! Terminologia scientifica frt, bfg Traduzioni Francese vin rouge exquis Inglese delicious wine of red quality Spagnolo garnacha Italiano vino prelibato di qualità róssa Tedesco köstliche Rotweinsorte.