Legenda Abbreviazioni | Legenda Simboli

alicàrja , nf: aligalza, aligarza, aricràlgia, aricrarja, arigarza, arigrarza, arrigàglia, ligalza Definizione genia de erba de ortu chi faet un’arraighina grussa chi si papat, segundhu sa calidade curtza, tundhita, segundhu sa calidade longa, totu orrúbia o fintzes in parte orrúbia e in parte bianca, unu pagu pitzigorosa (e a bortas fintzes meda)/ aligarza saligheresa = fustinaga (Daucus carota sativus); a la tenes, tue, s'aligarza!… = ses tropu apedhiau! Sinonimi e contrari arraiga, arraigàgia, arraíxini, arrovonellu, rabanella Frasi aligarza pro aligarza menzus sa nostra chi no sa furistera! ◊ a sos àinos de sos pulíticos nostros lis piaghet de piús s'aligarza furistera: e it'allicu, s'insoro! Terminologia scientifica rbzc, Raphanus sativus Etimo ltn. radicaria Traduzioni Francese radis Inglese radish Spagnolo rábano Italiano ravanèllo Tedesco Gartenrettich.

ambrullànsa, ambrullànta, ambrullàtza , nf: ambuàcia, ambuatza, ambulartza, ambulatza, amburlassa, ammulartza, ammulatza Definizione genia de erba bona po ebrúgiu Sinonimi e contrari aburlanta, ambrutatza, ammuratza*, irimulata Frasi no fait prus mancu a papai ambuàcia comenti festus una borta…◊ s'ambulartza si coghet e si papat crua puru ◊ si segaus duas ambuàcias e prandeus ◊ totus regolliant aschione, altzigusa, ammulartza, tzòcoro Terminologia scientifica rbz, Raphanus raphanistrum Traduzioni Francese radis sauvage Inglese wild radish Spagnolo rabanillo Italiano ramolàccio selvàtico Tedesco Hederich.

ammuràtza , nf: armulatza, armurata, armuratza, amurata, mulatza Definizione genia de erba chi faet a fògias ladas e bàscias (su chi si arregollet po ebrúgiu), unu pagu arrasposas, bona a papare crua e cota: tenet unu sabore chi assimbígiat unu pagu a su càule Sinonimi e contrari aburlanta, ambrullansa, ambrutatza, ermulantza, irimulata / cdh. almuràcia Frasi sont annatos a su cuile de su pastore chin s'iscusa de si fàchere unu pacu de ammuratza pilosa Terminologia scientifica rbz, Raphanus raphanistrum Etimo ltn. armoracea Traduzioni Francese radis, ravanelle Inglese wild radish Spagnolo rabanillo Italiano ramolàccio selvàtico, barbafòrte Tedesco Hederich.

arraíga , nf: arrega 1, arreiga, arriga 1, raiga Definizione genia de erba de ortu chi faet un’arraighina grussa, longa calecunu prammu, totu orrúbia o fintzes in parte orrúbia e in parte bianca, unu pagu pitzigorosa (e a bortas fintzes meda); in cobertantza, sa natura de su mascu, o fintzes dificurtade de calecuna genia / prantaisí che arrega (nadu de ccn.)= istare ritzos, frimmos Sinonimi e contrari alicarja, arraigàgia, arraíxini, arrovonellu, rabanella, raighinarza Frasi no tenit pani e còmporat arreiga! 2. custa est un'arraiga deabberu! Cognomi e Proverbi prb: dognunu abantat s'arreiga de s'ortu suu Terminologia scientifica rbzc, Raphanus sativus Etimo ltn. radic(u)la Traduzioni Francese radis Inglese radish Spagnolo rábano Italiano ravanèllo Tedesco Gartenrettich.

arraíxini , nm: arréxini, raighine Definizione genia de erba de ortu chi faet un’arraighina grussa, segundhu sa calidade curtza, tundhita, segundhu longa, totu orrúbia o fintzes in parte orrúbia e in parte bianca, unu pagu pitzigorosa (e a bortas fintzes meda) Sinonimi e contrari alicarja, arraiga*, arraigàgia, arrovonellu, rabanella, raighinarza Terminologia scientifica rbzc, Raphanus sativus Traduzioni Francese radis Inglese radish Spagnolo rábano Italiano ravanèllo Tedesco Gartenrettich.

arrovonéllu , nm Definizione genia de erba de ortu chi faet arraighina grussa, segundhu sa calidade curtza, tundhita, segundhu longa, totu orrúbia o fintzes in parte orrúbia e in parte bianca, unu pagu pitzigorosa (e a bortas fintzes meda) Sinonimi e contrari alicarja, arraiga, arraigàgia, arraíxini, rabanella*, raighinarza Terminologia scientifica rbzc, Raphanus sativus Traduzioni Francese radis Inglese radish Spagnolo rábano Italiano ravanèllo Tedesco Gartenrettich.

rabanèlla , nf, nm: arravanella, ravanella, ravanellu Definizione un'erba de ortu chi faet su primu tretu de s'arraighina grussa, tundhita, ma segundhu sa calidade ingrussat totu s'arraighina, est totu orrúbia a fora o fintzes in parte orrúbia e in parte bianca, de sabore chi ispirtit a bortas fintzes meda Sinonimi e contrari alicarja, arraiga, arraíxini, arrovonellu, raighinarza Terminologia scientifica rbzc, Raphanus sativus Etimo itl. Traduzioni Francese radis Inglese radish Spagnolo rábano Italiano ravanèllo Tedesco Radieschen.

«« Cerca di nuovo