Ditzionàriu in línia
de sa limba e de sa cultura sarda

conniméntu , nm: cundhimentu, cundimentu Definizione su cundhire is papares; is cosas chi si ponent a cundhire unu papare; su s'ispainare de una maladia cundhindhondhe su logu, atacandho a is àteros puru Sinonimi e contrari cundímini, cunnintzu, pimenta / cundhidura, impestu Frasi arratza de cundhimentu chi li as fatu a custu mànigu!…◊ su papai sentz’e cundimentu est malu, ma peus ancora candu mancat sali!◊ su fàmene est su menzus cundhimentu 2. cundhimentos sunt sa bagna, tzertas erbas fragosas, ozu e casu e gai ◊ su ladru cun s’ollu de procu fut su cundimentu po totu s’annu 3. bi at maladia chi andhat a cundhimentu Traduzioni Francese assaisonnement Inglese condiment Spagnolo aliño Italiano condiménto Tedesco Würzen.

cundhidúra , nf Definizione su cundhire is papares, mescamente nau de sa manera; su s'ispainare de un'infetu, de una maladia chi passat de s'unu a s'àteru e ndhe prenat su logu Sinonimi e contrari connimentu, cundhiolu / alluadura, impestu 2. s'uficiale sanitàriu deit órdines severos pro evitare sa cundhidura de una maladia chi faghiat a timire ◊ ello a cundhidura andhat custa cosa?! Etimo srd. Traduzioni Francese assaisonnement, contagion Inglese condiment, infection Spagnolo aliño, contagio Italiano conditura, contàgio Tedesco Würzen, Ansteckung.

pimènta, piméntu, pimèta , nf, nm Definizione cundhimentu po papares, totu su chi si ponet po giare prus sabore a is papares; pimentu est fintzes una mata de s'América chi faet una genia de píbere impreau po cundhimentu e po meighina e si narat fintzes po colore, tinta Sinonimi e contrari connimentu, fimeta / tinta Frasi is ingredientis de sa pimenta po cundiri 2. s'autonomia no est una cosa in prus, un'ispétzia de casu fratadu o de pimentu chi si podet o no si podet pònnere pro fàchere prus licantzu su gustu: s'autonomia est su gustu (Z.F.Pintore)◊ sa poesia sighit a èssi una pimeta, unu cundimentu netzessàriu po s'ànima nosta 3. su biancu de titàniu no mi l'as impitadu: e it'oromala, mi faghes pagare pimentos caros che furca, si poi no los impitas?! (M.Bua) Terminologia scientifica mng, mtm Pimenta dioica Etimo itl. pementa Traduzioni Francese assaisonnement Inglese seasoning Spagnolo aliño Italiano condiménto Tedesco Würze, Gewürz, Dressing.