Ditzionàriu in línia
de sa limba e de sa cultura sarda

aglianài , vrb Definizione aparigiare, fàere bene oguale / a. una dificultadi = ispiegare, fàghere a cumprèndhere una cosa Sinonimi e contrari alladiae, apalisare, apianare, arrepranai, illadiare, ispianare, splanai Etimo spn. allanar Traduzioni Francese aplanir, égaliser Inglese to level, to equalize Spagnolo aplanar, allanar Italiano appianare, pareggiare Tedesco ebnen, einebnen.

allivellàre , vrb: livellai Definizione pònnere e fàere a livellu, bene in paris Sinonimi e contrari apalisare, aparinare Traduzioni Francese niveler Inglese to level Spagnolo nivelar, allanar Italiano livellare Tedesco einebnen.

apalisàre , vrb: aparigiai, aparigiare, aparisare, aparixai, aparizare, parigiai Definizione fàere in paris; fàere una cosa a su matessi paris de un'àtera, cantu s'àtera, bogare is diferéntzias / aparizare sos contos = schitiai, assardare sos contos, pagai is dépidos Sinonimi e contrari aglianai, alladiae, apianare, arrepranai, illadiare, imparisare, ispegnare, ispianare, splanai / aggalire, aggualai, aparinare, arrasai 1 Frasi aparixai is logus malus! ◊ pro aparisare custu muru bi cheret intúnigu meda ◊ aparixaus su mòri ca est totu fossus ◊ aparizade su caminu pro su Deus nostru! ◊ prima de semenare, sa terra cheret aparizada unu pagu ◊ sos montes si trement, s’irghítinant e si apalisant 2. aparixit a deximila, ca no portu dinai in càmbiu! ◊ mancari chirchemus de aparizare sos contos, cun Deus semus semper in dépidu ◊ po su disturbu nostru no as perunu dépidu de aparisare Etimo srd. Traduzioni Francese niveler, aplanir Inglese to level Spagnolo aplanar, allanar Italiano livellare, appianare Tedesco einebnen.

apianàre , vrb: aplanai, aplaniai, apranai, apranare, apraniae, apraniare, pranae Definizione fàere in pianita, trebballare cun sa prana po fàere lisa sa linna; fàere in paris, pranu; in cobertantza, pigare a frandhigos Sinonimi e contrari allisai, impianitare / aglianai, apalisare, arrepranai, ispianare, splanai Frasi isciu comenti boit apranau un'arrogu de linna 2. sa terra est forrogada e dh'apràniat 3. isse cheret apraniadu, si cheres chi ti ponzat mente Etimo srd. Traduzioni Francese raboter Inglese to plane Spagnolo cepillar, allanar Italiano piallare Tedesco hobeln.

arrepranài , vrb Definizione fàere una cosa o unu logu in paris, pranu Sinonimi e contrari aglianai, alladiae, apalisare, apianare, illadiare, ispianare, splanai Etimo ctl. replanar Traduzioni Francese aplanir Inglese to flatten Spagnolo allanar Italiano appianare Tedesco einebnen.

ispianàre , vrb: esplanai Definizione nau mescamente de logos malos, mòvere e pigare sa terra a manera de fàere unu paris; nau foedhandho de matas, segare totu e de fundhu o a paristerra; nau de un'arma, pigare in manos coment'e po isparare Sinonimi e contrari aglianai, apalisare, arrepranai, splanai / alladiae, illadiare / ispiantare Frasi unu tempus ispianaiant a picu e pala e como a ruspa ◊ ant sichidu a ispianare s'ispuntone e a fortza de matza e de minas sa punta est diventada una piatza 2. sos carbonajos toscanos ant ispianadu sos montes nostros 3. mi bastat ch'ispiane su fusile chi fato un'inferru! Etimo srd. Traduzioni Francese aplanir Inglese to level Spagnolo allanar, explanar Italiano spianare Tedesco ebnen.

splanài , vrb: spranai Definizione fàere in paris, imparisare, istèrrere cosa a aparigiadura; fintzes ispiegare, fàere méngius a cumprèndhere una cosa o chistione Sinonimi e contrari aglianai, apalisare, arrepranai, ispianare Traduzioni Francese aplanir Inglese to smooth (over) Spagnolo aplanar, allanar Italiano appianare Tedesco einebnen.