Legenda Abbreviazioni | Legenda Simboli

càda , agt, prn: cara 2, cata 1 Definizione agt. indefiniu chi acumpàngiat unu númene (mescamente de tempus) chentza cambiamentos de genia e ne de númeru, singialat prus che àteru sa distintzione de sa síngula cosa pentzada coment'e ripetidura, una cosa chi torrat a èssere; in campidanesu si ponet a prn. puru; cun male faet una genia de superlativu: male cadamale = male a su peus puntu Sinonimi e contrari dogna Frasi a cada die su pessamentu sou! ◊ cada cristianu at a ischire ite depet fàghere ◊ sunt lendhe sa pentzione cada duos meses ◊ cada pacas dies andhat a dommo de sa pitzoca ◊ in cata tzilleri si firmaiat a si la víere 2. in sa divisioni fiat tocau a cad'e cincu sodhus ◊ ant bociu una baca in cuatru: dhis est tocau a cad'e setantaxincu chilus de petza ◊ dèu e fradili miu teneus a cada de unu cani ◊ poneus a cad'e cincu mila e si papaus una brebei! ◊ dhis at ghetau a cada de una turra de símbua a donniunu ◊ cussus si ndi pigant a car'e su dexi pro centu 3. fit ricu, ma como est andhadu male cadamale ◊ s'isàminu est andhadu male cadamale Etimo ltn. cata Traduzioni Francese chaque Inglese every Spagnolo cada Italiano ógni, ciascuno Tedesco jede.

cadaúne, cadaúnu , prn: cadeunu, cadiune, cadunu Definizione totugantos, ma cunsideraos a unu a unu Sinonimi e contrari dognunu Frasi caminavamus cadaune chin s'arma sua ◊ cadaunu at sa parte sua Etimo ltn. cata + unus Traduzioni Francese chacun Inglese everybody Spagnolo cada uno Italiano ciascuno, ognuno Tedesco jede.

dògna , agt: dogni, dógnia, donni, dontzi, donza, donzi, dónzia, dugna, ónnia Definizione foedhu chi acumpàngiat unu númene po inditare chi est cadaunu, donniunu, totugantos, dónnia síngulu; a bortas si narat a ispantu po calecuna cosa chi paret matuca meda Sinonimi e contrari cada / debberone, maduru Frasi dónzia tantu andhat giutèndhesi unu biazu de fozas ◊ in dugna famíglia ndi sutzerit de dugna manera ◊ zumpe dónnia monte e dónnia mare pro lòmpere a terras inue frades chircant sos frades! ◊ dónnia die andhaiat a si vaturet una fasche de linna 2. che giughet donzi tivedha cant'est lalgu s'istradone! ◊ betaiat donzi ràndhine… cantu a una nughe! ◊ li atzufat torra e lu agganguglitat chi cudhu ndhe bogaiat donzi oju che pirastru! ◊ zughet dogni sanna cantu un'ispadinu! ◊ sont abbaitanne chin dontzi ocru cantu a su puntzu! Etimo ltn. omnia Traduzioni Francese chaque Inglese every Spagnolo cada, todo Italiano ógni Tedesco jeder, jede, jedes.

ognúnu , prn: dognunu, onneunu, onniunu, onzunu, onzune, onzunu Definizione dónnia síngula persona Sinonimi e contrari cadaunu Frasi in su bonu onneunu b'ischit istare! ◊ onzune si ndhe prenaiat unu sacu de s'oro chi bi fit ammuntonadu ◊ onzune istat a contu sou Cognomi e Proverbi prb: ognunu pentzat po issu e chie istat male si acontzat Etimo itl. Traduzioni Francese chacun Inglese everyone Spagnolo cada uno Italiano ognuno Tedesco jeder.

ónni, ónnia , agt: dogna*, onzi, ónzia Definizione acumpàngiat unu númene (sèmpere sing.) po inditare chi est cadaunu, donniunu pigau o cunsiderau abbandha, a solu, e no càmbiat de mascu a fémina: si narat fintzes in su sensu de mannu meda Sinonimi e contrari cada Frasi ónzia parte de sa carena serbit pro carchi cosa ◊ sa pinneta fiat dae ónzia parte inghiriada de àrbures ◊ gai onni die chi siat s'isposinzu cunsagradu! 2. onzi turatzu de nie fit faghindhe… mannu cantu a mie! ◊ che zughiat onzi ogru cantu su punzu! Traduzioni Francese chaque Inglese every Spagnolo todo, cada Italiano ógni Tedesco jeder, -e, -s.

«« Cerca di nuovo