Ditzionàriu in línia
de sa limba e de sa cultura sarda

achipàgiu , nm: acupàgiu, echipàgiu* Definizione is trastos, is ainas chi serbint a unu logu, a unu trebballu (ma fintzes sa pannamenta, is trastos de una domo, de una persona); cosas de papare chi si leant aifatu candho si andhat a unu logu; is personas o professionistas de unu mezu (es. aeroplanu, nave) chi dhu contivígiant candho est viagiandho Sinonimi e contrari argusione, asciugàriu, fronimentu, provista, recatu, spúglia 3. est andhada male sa barca cun totu s'acupàgiu Traduzioni Francese équipement Inglese equipment Spagnolo equipo, equipaje, tripulación Italiano equipaggiaménto, equipàggio Tedesco Ausrüstung, Bemannung.

acíva , nf: atziva Definizione totu is trastos de una cojuada noa Sinonimi e contrari asciugàriu, pannamenta Frasi còmpora cantu cheres note e die: arrecadas, collanas e acivas Etimo srd. Traduzioni Francese trousseau de jeune fille Inglese trousseau Spagnolo ajuar, equipo Italiano corrèdo da spòsa Tedesco Aussteuer.

asciugàriu , nm: sciugàriu Definizione su bene, totu is trastos de sa cojuada noa: istrégiu, trastos, bestimentu, mobbília e àteru Sinonimi e contrari aciva, ammanitzu, pannamenta Etimo spn. axuuar Traduzioni Francese trousseau de jeune fille Inglese trousseau Spagnolo ajuar, equipo Italiano corrèdo della spòsa Tedesco Aussteuer.

atretzadúra , nf Definizione totu su chi serbit po fàere ccn. cosa, ainas Sinonimi e contrari ammàniu, fronimentu Frasi atretzadura e machinàrios de una sala operatória costant meda ◊ segundhu su massaju s'ingolliat s'atretzadura a codhu e andhàt a pei ◊ at postu aficu a totu sas atretzaduras e machinàrios de sa caciara ◊ de atretzadura in cuili teniat su mutzorxu, àturus istrexus e pedhis po isterridroxu Traduzioni Francese équipement Inglese equipping Spagnolo equipo Italiano attrezzatura Tedesco Ausrüstung.

froniméntu , nm: fruimentu, frunimenta, frunimentu, furnimentu Definizione totu su chi serbit a issedhare e pigare su cuadhu, istrepos o ornamentos de cuadhu, is odríngios; totu su chi serbit a una nave, a una fàbbrica, a un'azienda, a una màchina po funtzionare, a una cojuada noa po fàere e pesare famíglia abbandha; fintzes figura chi si faet po bellesa a unu trastu / frunimentu de is cuadhos: sa fune, su crabistu, sa bríglia; is frunimentos de su cuadhu funt de tres castas: de ghiare, de miramentare, de pompa; furnimentu de bistiri, de móbbilis Sinonimi e contrari achipàgiu, finimentus, frorimentus, fruninzu / provista Frasi sa funi est apicada cun is fruimentus de su cuadhu ◊ sos sedhajolos vendhent sedhas, crapistos, ghinuceras e fronimentos pro àinos ◊ po domai su cuadhu a arai, babbu s’iat cuncordau totu is frunimentas 2. cussa picioca est isposa e si est dépia acordai po si fai su frunimentu Etimo itl. fornimento Traduzioni Francese harnachement, outillage Inglese harness, outfit Spagnolo aparejo, arreos, jaeces, equipo Italiano bardatura, corrèdo, attrezzatura Tedesco Geschirr, Ausstattung, Ausrüstung.