Ditzionàriu in línia
de sa limba e de sa cultura sarda

achipàgiu , nm: acupàgiu, echipàgiu* Definitzione is trastos, is ainas chi serbint a unu logu, a unu trebballu (ma fintzes sa pannamenta, is trastos de una domo, de una persona); cosas de papare chi si leant aifatu candho si andhat a unu logu; is personas o professionistas de unu mezu (es. aeroplanu, nave) chi dhu contivígiant candho est viagiandho Sinònimos e contràrios argusione, asciugàriu, fronimentu, provista, recatu, spúglia 3. est andhada male sa barca cun totu s'acupàgiu Tradutziones Frantzesu équipement Ingresu equipment Ispagnolu equipo, equipaje, tripulación Italianu equipaggiaménto, equipàggio Tedescu Ausrüstung, Bemannung.

acíva , nf: atziva Definitzione totu is trastos de una cojuada noa Sinònimos e contràrios asciugàriu, pannamenta Frases còmpora cantu cheres note e die: arrecadas, collanas e acivas Ètimu srd. Tradutziones Frantzesu trousseau de jeune fille Ingresu trousseau Ispagnolu ajuar, equipo Italianu corrèdo da spòsa Tedescu Aussteuer.

asciugàriu , nm: sciugàriu Definitzione su bene, totu is trastos de sa cojuada noa: istrégiu, trastos, bestimentu, mobbília e àteru Sinònimos e contràrios aciva, ammanitzu, pannamenta Ètimu spn. axuuar Tradutziones Frantzesu trousseau de jeune fille Ingresu trousseau Ispagnolu ajuar, equipo Italianu corrèdo della spòsa Tedescu Aussteuer.

atretzadúra , nf Definitzione totu su chi serbit po fàere ccn. cosa, ainas Sinònimos e contràrios ammàniu, fronimentu Frases atretzadura e machinàrios de una sala operatória costant meda ◊ segundhu su massaju s'ingolliat s'atretzadura a codhu e andhàt a pei ◊ at postu aficu a totu sas atretzaduras e machinàrios de sa caciara ◊ de atretzadura in cuili teniat su mutzorxu, àturus istrexus e pedhis po isterridroxu Tradutziones Frantzesu équipement Ingresu equipping Ispagnolu equipo Italianu attrezzatura Tedescu Ausrüstung.

froniméntu , nm: fruimentu, frunimenta, frunimentu, furnimentu Definitzione totu su chi serbit a issedhare e pigare su cuadhu, istrepos o ornamentos de cuadhu, is odríngios; totu su chi serbit a una nave, a una fàbbrica, a un'azienda, a una màchina po funtzionare, a una cojuada noa po fàere e pesare famíglia abbandha; fintzes figura chi si faet po bellesa a unu trastu / frunimentu de is cuadhos: sa fune, su crabistu, sa bríglia; is frunimentos de su cuadhu funt de tres castas: de ghiare, de miramentare, de pompa; furnimentu de bistiri, de móbbilis Sinònimos e contràrios achipàgiu, finimentus, frorimentus, fruninzu / provista Frases sa funi est apicada cun is fruimentus de su cuadhu ◊ sos sedhajolos vendhent sedhas, crapistos, ghinuceras e fronimentos pro àinos ◊ po domai su cuadhu a arai, babbu s’iat cuncordau totu is frunimentas 2. cussa picioca est isposa e si est dépia acordai po si fai su frunimentu Ètimu itl. fornimento Tradutziones Frantzesu harnachement, outillage Ingresu harness, outfit Ispagnolu aparejo, arreos, jaeces, equipo Italianu bardatura, corrèdo, attrezzatura Tedescu Geschirr, Ausstattung, Ausrüstung.