Legenda Abbreviazioni | Legenda Simboli

assusài , vrb Definizione migliorare, cambiare in méngius, fintzes artziare is domos faendho àteru pianu Sinonimi e contrari addelantai, atelentare / ammellorai, impannitziri Frasi si est assusau su cixiraju maresu: at fatu domus bendendi cíxiri e caramellas ◊ sa fémina sàbia assusat sa domu, sa maca dha destruit ◊ assusit o no assusit, su messaju fait s'alimentu chi serbit po papai Etimo srd. Traduzioni Francese tirer avantage, tirer profit Inglese to take advantage, to improve one's own condition Spagnolo mejorar Italiano avvantaggiarsi, migliorare la pròpria condizióne Tedesco einen Vorsprung gewinnen.

imboníre, imboníri , vrb Definizione pònnere o cambiare in bonu, in méngius (fintzes de petza in sa carena); su pesare de sa pasta cun su frammentu (foedhandho de fémina, improssimare)/ imboniu = (nau de su forru) chi est a puntu giustu de budhiore po còghere su pane Sinonimi e contrari abboniare, ammellorai / pesare | ctr. pejorare Frasi est beniu po imboniri is trevessus e po dhus agiudai a pentzai coment'e is giustus ◊ su tempus si nche fit imboniu ◊ sa robba in s'ebra meda si est imbonia in d-una cuindixada ◊ s’ómine si est imboniu che porcu in tula de landhe 2. sas féminas mutias pro azuare a fàchere sa cota fint paraas ispetandhe a imbonire sa pasta 3. Fulanu at imboniu sa muzere Etimo srd. Traduzioni Francese améliorer Inglese to improve Spagnolo mejorar Italiano migliorare Tedesco verbessern.

mediàre , vrb Definizione essire o fàere méngius, prus bonu, agiustare, agatare rimédiu, nau fintzes in su sensu de cambiare in méngius su cumportamentu, is maneras de fàere Sinonimi e contrari abboniare, arranzare, megliorai, remediare | ctr. impeorai, pejorare Frasi chin cantu ghetamus apare, tota bida, no mediamus mai! ◊ su bisonzu ch'est andhau: semus mediandhe totus! ◊ pro mediare onzi male sezis pronta meighina ◊ in custa netzessidade no ischimus comente nos mediare! 2. su ditzu antigu narat gai: Mala ratza no médiat mai ◊ si s'errore podio mediare, Columba, de ti tènnere a muzere!…◊ so andhau abbissi la podio mediare Traduzioni Francese s'améliorer, se corriger Inglese to improve, to correct oneself Spagnolo mejorar, corregirse Italiano migliorare, corrèggersi Tedesco verbessern (sich).

megliorài , vrb: ammellorai, melliorai, mellorai, mengiorai, metzorare, mezorare, milliorai Definizione essire o fàere méngius, prus bonu, fàere mezoros, òperas de bonu Sinonimi e contrari abboniare, agiuventare, mediare | ctr. impeorai, pejorare Frasi su malàidu est mezorendhe die cun die ◊ s'innétiat su terrinu pro mezorare s'incunza ◊ cun cussu dinari faghimus tribàglios e mezoramus sas carrelas ◊ pentzade a comente pòdere mezorare sa Sardínnia! Etimo ltn. meliorare Traduzioni Francese améliorer, s'améliorer Inglese to better Spagnolo mejorar Italiano migliorare Tedesco verbessern (sich).

«« Cerca di nuovo