Ditzionàriu in línia
de sa limba e de sa cultura sarda

balía, bàlia , nf: abbalia, valia Definizione su bàlere, su giúghere fortza prus che àteru nau de sa carena Sinonimi e contrari abbrétiu, ardúriu, bastantia, bidória, briu, foltza / abbaldansa, alidantza, atrevimentu, coragi, iscòcoro Modi di dire csn: leare bàlia = leare corazu, atrevimentu; àere balia = àere fortza Frasi li fint manchendhe sas balias e su mischinu si lasseit andhare subra de su bancu ◊ seu caramada: no tengu balia peruna! ◊ impígnadi cun tota sa balia chi as in su chelvedhu! ◊ custu ti daet balia pro fàghere su viàgiu ◊ téteru de su fritu, no at balia de si ndhe pesare 2. balias de abbochinare e de s'imbèrghere no ndhe li colaiant prus in conca ◊ paret chi no apat mancu balia pro lu piànghere, a su fizu! Cognomi e Proverbi smb: Balia Etimo itl. balia Traduzioni Francese verve, force Inglese vivacity, strenght Spagnolo valía, energía Italiano brio, energìa Tedesco Lebhaftigkeit, Energie.

bidória, bidóriu , nf, nm Definizione genia de fortza chi portat unu candho est biu / torrare a b. = tènnere torra briu Sinonimi e contrari abbrétiu, ardúriu, balia, bastantia Frasi Sardos chi ancora sezis in bidóriu e a sa Sardigna nostra azis istima frundhide a fora cussa raighina, canes, dutores e ambulatóriu!◊ l'ant addrommentadu pro s'operatzione, ma como za est torradu in bidóriu Traduzioni Francese verve, entrain, vivacité Inglese vivacity Spagnolo brío Italiano brio Tedesco Lebhaftigkeit.