Ditzionàriu in línia
de sa limba e de sa cultura sarda

faisèdha , nf: fajedha, faitzedha Definizione denti de béciu, de bècia, basoledhu atzudu: genia de erba chi faet a cannàile in terra che a su pisurche o fintzes in artu e faet su granu coment'e una faighedha atzuda, bona po su bestiàmene e fintzes po sa gente (ma a ndhe papare meda faet male, est toscosa) Sinonimi e contrari anchíscia, fravaria, inchisa, nasedhu, pisedhu, písiri, pisuvà, tresatzas Terminologia scientifica lrs, Lathyrus sativus Etimo srd. Traduzioni Francese gesse Inglese chickling, grass-pea Spagnolo almorta Italiano cicérchia Tedesco Saatplatterbse.

latítera , nf: letítera, letzítera, litítera Definizione pisu de coloru, giponi de sordau, genia de erba chi faet a cambu longu longu, bona meda po bestiàmene Sinonimi e contrari lepurisposu 1 Terminologia scientifica rba, Lathyrus sylvestris, L. clymenus Etimo ltn. latirida, lacterida Traduzioni Francese gesse de bois Inglese chickling Spagnolo alverja Italiano cicérchia selvàtica, èrba gallétta Tedesco Waldplatterbse.

pisédhu , nm Definizione denti de béciu, de bècia, basoledhu atzudu, genia de erba chi faet a cambu in terra che a su pisucre, o fintzes a in artu, e faet una teghighedha cun d-unu o duos granos che una faighedha atzuda, bona po su bestiàmene e fintzes po sa gente (ma a ndhe papare tropu faet male, est toscosa, difatis pipiu apisedhau = piciochedhu chi tenet neghe a fortza de papare pisedhu); a logos, una calidade de pane pintau a orrosinita e a serros, po is festas Sinonimi e contrari anchíscia, faisedha, fravaria, nasedhu, písiri, pisuvà, tresatzas Frasi passàt in giru un'ominedhu narendi ca molliat trigu, orxu, fà, cíxiri e pisedhu ◊ su minestroni cun pisedhu dèu a pipia dhu grisai poita sciemu ca portàt facioni Cognomi e Proverbi smb: Piseddu Terminologia scientifica lrs, Lathyrus sativus Etimo srd. Traduzioni Francese gesse Inglese chickling Spagnolo almorta Italiano cicérchia Tedesco Platterbse.