Legenda Abbreviazioni | Legenda Simboli

chentàles , nm pl: chinciales, chintales, chintari 1, chintzales, sintzalis Definizione s'ora chi cumènciat a pònnere riga faendho die, abbreschendho; su colore sèmpere prus craru chi si biet in s'orizonte candho est acanta a fàere die e fintzes una genia de errigas de diferente colore chi si podent bíere in s'aera faendho die o iscurigandho Sinonimi e contrari abbréschida, abbreschidorza, abburiadroxu, albore, arborinu, chinta 2, nea, scampiadórgiu, spanigadroxu Modi di dire csn: a chentales, ponindhe chintales de die, betanno chinciales = orbescendi; sos chintales de su sero = sas umbras comente che abbàssiat e intrat su sole, iscurighendhe; su bentu de sos chentales = bentixedhu de ammengianu a chitzi Frasi fit un'iscéntzia pretzisa chei su lugore de sos chentales ◊ cras manzanu, apena a sos chentales, sa nave ti aprontamus pro tucare ◊ no bi at note chi no at chintzales ◊ chintzale ruju a sole… intra linna, pastore! 2. dae sos chintales tuos ses andhadu in terighinos de ispinas Terminologia scientifica sdi Etimo srd. Traduzioni Francese aube, crépuscule Inglese dawn, twilight Spagnolo crepúsculo (matutino, vespertino) Italiano alba, crepùscolo, striature all'orizzónte Tedesco Morgendämmerung, Zwielicht.

interighinadórzu , nm: intrighinadorju, intrighinadorzu Definizione s'ora chi, apustis intrau su sole, cumènciat a iscurigare, est iscurigandho; in cobertantza, sa becesa, s'úrtimu tempus de sa vida Sinonimi e contrari immurinadorzu, inchinadorzu, inclinada, interighinada, interinada, intríchinu, irmurinada, iscuricada, iscurigadolzu, murriadrosu | ctr. abbréschida Frasi cada sero, a intrighinadorzu, si torrabant a ammamare sos crapitos Terminologia scientifica sdi Etimo srd. Traduzioni Francese crépuscule Inglese twilight Spagnolo crepúsculo Italiano crepùscolo Tedesco Dämmerung.

interinàda , nf: intirinada, intrinada Definizione s'ora chi s'aera est immurrinandho, cambiandho colore, siat su merie addaghi iscurigat e siat candho est faendho die su mengianu chitzo Sinonimi e contrari inchinadorzu, inclinada, ingalu, interighinada, interighinadorzu, intríchinu, irmurinada, iscuricada, iscurigadolzu, murriadrosu / cdh. antrinata, intrinata | ctr. abbréschida, scampiadórgiu, spanigadroxu Frasi dogni die a s'alvèschere tiu Zanu bessit e torrat sempre a s'intrinada (S.Casu)◊ a dies istat finas a s'intrinada cantendhe ◊ a s'interinada calant sas umbras 2. a s'intrinada de custu manzanu ap'ojadu in carrera una tziedha Terminologia scientifica sdi Etimo srd. Traduzioni Francese crépuscule, coucher de soleil Inglese dusk Spagnolo crepúsculo Italiano crepùscolo, tramónto Tedesco Dämmerung, Sonnenuntergang.

murriadrósu, murriadróxu , nm: ammurriadroxu, murrinadroxu Definizione parte de sa die candho su sole si ch'est intrau o est acanta a essire Sinonimi e contrari immurinadorzu, inchinadorzu, interinada, intríchinu, irmurinada, iscuricada, iscurigadolzu | ctr. abbréschida Frasi est aproviau a su murrinadroxu ◊ in su murriadroxu de sa vida ogus de nébida càstiant pubas chi adítziu s'iscerant (D.Maccioni)◊ de s'ora de sa nea a su murrinadroxu Terminologia scientifica sdi Etimo srd. Traduzioni Francese crépuscule Inglese twilight Spagnolo crepúsculo Italiano crepùscolo Tedesco Dämmerung.

«« Cerca di nuovo