Ditzionàriu in línia
de sa limba e de sa cultura sarda

abbramidúra , nf Definizione manera de fàere de chie acostumat a bòllere totu issu, disígiu mannu Sinonimi e contrari allurpidura, araone Etimo srd. Traduzioni Francese gloutonnerie Inglese greediness Spagnolo codicia Italiano ingordígia Tedesco Gefräßigkeit.

allimbràre , vrb Definizione papare cun asuria Sinonimi e contrari lambrire, irrujonare, istruntzonare Etimo srd. Traduzioni Francese manger comme un goinfre Inglese to eat greedily Spagnolo comer con avidez, a dos carrillos Italiano mangiare con ingordìgia Tedesco gierig essen.

allurpidúra , nf Definizione su èssere allurpios, tzatzagones / papai cun a. = a s'airada, ingullindhe chentza mancu mastigare bene Sinonimi e contrari allurpimentu, araone, asuréntzia, ingorrosia, inguglioneria, inguglionia Etimo srd. Traduzioni Francese gloutonnerie Inglese greediness Spagnolo voracidad Italiano ingordìgia Tedesco Gefräßigkeit.

asuría , nf Definizione sa maladia o vítziu de no lassare nudha a s'àteru, de bòllere totugantu, gana manna de àere o de papare cosa meda / a. de dinai, de papai Sinonimi e contrari abudesa, agudéntzia, allimimentu, allurpidura, arràngulu, assurimentu, asuréntzia, aulimentu, ingorrosia, iscórporu, isuria, limiore, soria | ctr. bonugoro Frasi s'asuria de pagus est destruendi sa richesa de totus ◊ fiat una bagadia arrica e asuria chi no fiat a dhu nai ◊ apo bidu su demóniu de su male, su demóniu de s’asuria (N.Falconi)◊ de s’esistentza umana est su difetu s’asuria, sa palla e prepoténtzia (E.Masili) Etimo srd. Traduzioni Francese avidité, goinfrerie Inglese greediness Spagnolo avidez Italiano ingordìgia Tedesco Gefräßigkeit.

inguglionería , nf Definizione su èssere ingugliones, disígiu malammodidu, esagerau, de bòllere fintzes s'angenu Sinonimi e contrari allimimentu, allurpidura, bentrania, ingorrosia, inguglionia, ingurdímine, ingurtonéntzia, iscórporu, lambridura, pasteréntzia Frasi in su logu brutu bi paschet sa musca cun inguglioneria ◊ s'inguglioneria de s'ómine atzecadu est unu mare chi no si pienat mai Traduzioni Francese gloutonnerie Inglese greed Spagnolo glotonería Italiano ingordìgia Tedesco Gefräßigkeit.

ingurdonería , nf Definizione su èssere ingurdones, su bòllere totugantu, meda, de prus Sinonimi e contrari aggantzadura, allimimentu, asurímini, ingorrosia, iscórporu, limiore, migragna, susuncúmini Frasi cun s'ingurdoneria de àere sempre de piús s'ómine si est ponzendhe sas gangas dai perisse etotu Etimo srd. Traduzioni Francese avidité Inglese meanness, greediness Spagnolo glotonería, avidez Italiano grettézza, ingordìgia Tedesco Knauserigkeit, Gefräßigkeit.

irrujonàre , vrb Definizione papare a orrugos mannos comente faet unu allurpiu, un'ingurtone Sinonimi e contrari allimbrare, lambrire Etimo srd. Traduzioni Francese manger comme un goinfre Inglese to eat greedily Spagnolo engullir Italiano mangiare con ingordìgia Tedesco verschlingen.

lambridúra , nf Definizione su èssere lambridos Sinonimi e contrari bentrania, ingorrosia, inguglionia, ingurtionia Frasi sa lambridura lu giughet a su fossu primmu de s'ora ◊ est manighendhe a pianu, chena lambridura Etimo srd. Traduzioni Francese gloutonnerie, goinfrerie Inglese greediness Spagnolo voracidad, avidez Italiano ingordìgia Tedesco Gier, Gierigkeit.

lambríre , vrb Definizione papare a s'airada Sinonimi e contrari allimbrare, irrujonare, limbrire Etimo ltn. lambere Traduzioni Francese manger comme un goinfre Inglese to eat greedily Spagnolo engullir Italiano mangiare con ingordìgia Tedesco verschlingen.