Legenda Abbreviazioni | Legenda Simboli

bascèsa , nf: bassesa Definizione su èssere pagu de su puntu de vista morale, su si giare a bíere in cosas malas, su fàere cosas chi imbrutant s'onore o sa dignidade de su cristianu / tènniri b. de unu, de ccn. cosa = tènnerendhe birgonza a puntu de pàrrere b. a lu sighire a chèrrere o a fàghere Frasi est bascesa a si pienare sa mente de ideas anzenas sentza ischire ite sunt ◊ ti parit bascesa a cantai cun nosu ◊ s'ómine pregat bestidu de sa bascesa e debbilesa sua ◊ ndhe intendho finamente bassesa de andhare a pedire! 2. candu dh'iat connota bèni, fastigendi, nd'iat tentu bascesa ◊ sa cassa chi mi at portau ocannu madiru miu… ndi tengu finas bascesa a dhu nai! Traduzioni Francese bassesse Inglese meanness Spagnolo bajeza Italiano bassézza Tedesco Niedrigkeit.

ingurdonería , nf Definizione su èssere ingurdones, su bòllere totugantu, meda, de prus Sinonimi e contrari aggantzadura, allimimentu, asurímini, ingorrosia, iscórporu, limiore, migragna, susuncúmini Frasi cun s'ingurdoneria de àere sempre de piús s'ómine si est ponzendhe sas gangas dai perisse etotu Etimo srd. Traduzioni Francese avidité Inglese meanness, greediness Spagnolo glotonería, avidez Italiano grettézza, ingordìgia Tedesco Knauserigkeit, Gefräßigkeit.

malucòro , nm: malugoro, malugoru Definizione malu coro, in su sensu de no giare, de arrestigore, de no pentzare nudha a s'àteru Sinonimi e contrari limiore, susuncheria | ctr. bonucoro Modi di dire csn: fàghere sa cosa a m. = sentza de ganas, ammarolla, pruscatotu ca si pentzat de no ndi bogai nudha de bonu, o ca no andat bèni, in duda chi no siat giustu Frasi su meri susuncu, meri malugoru, no dh'iat mai cumbidau a domu ni a prandi e ni a cena ◊ teniat una richesa ibbaldarada, ma fit de malugoro e no daiat nudha a nisciunu Etimo srd. Traduzioni Francese avarice, égoïsme Inglese meanness Spagnolo cicatería, mezquindad Italiano grettézza, egoismo Tedesco Engherzigkeit, Egoismus.

nennaría , nf: gnagneria, nenneria, nigneria, ninneria Definizione cositedha de pagu contu, de nudha, de no pònnere in contu / pèrderesi in nennarias = pònniri su tempus po cosas de perunu contu Sinonimi e contrari fiolera, ignagnaria, nèncere, minudàntzia, pimpirimpalla Frasi babbu e fizu no sunt pro nennarias! ◊ non ti perdas in nennarias! ◊ est una ninneria, ma funt gelosas de ammostai s'arti insoru Etimo spn. Traduzioni Francese vétille Inglese meanness Spagnolo niñería Italiano cosùccia, meschinità Tedesco Kleinigkeit.

pachitàte , nf: paghidade Definizione su èssere pagu de sa cosa; cositedha de perunu contu, de nudha Sinonimi e contrari gnagneria, innennériu Frasi a fàghere male in sa paghidade de s’ideale meu ndhe l’apo segadu una borta pro sempre Etimo ltn. paucitate(m) Traduzioni Francese peu, étroitesse Inglese meanness, scarcity Spagnolo poquedad, escasez Italiano pochézza, esiguità Tedesco Wenigkeit.

spilurtzería , nf Definizione su èssere ispilurtzius; su èssere arrestigos Sinonimi e contrari aggantzadura, aggarradura, asurímini, ingurdoneria, limiore, susuncúmini Etimo itl. Traduzioni Francese pingrerie Inglese meanness Spagnolo cicatería Italiano grettézza, spilorcerìa Tedesco Knauserigkeit, Knauserei.

«« Cerca di nuovo