Ditzionàriu in línia
de sa limba e de sa cultura sarda

aggarradúra , nf Definizione su aggarrare; nau in cobertantza, su èssere de manu istrinta, arrestigos Sinonimi e contrari aggantzadura, aggarramentu, aggrancidúdine, asurímini, atzicaria, limiore, susuncúmini | ctr. bonucoro Etimo srd. Traduzioni Francese avarice, pingrerie Inglese meaness Spagnolo tacañería Italiano tirchierìa Tedesco Knauserigkeit.

asurímini , nm: surímine Definizione su èssere asuriosos Sinonimi e contrari aggantzadura, aggranciúliu, arrestigore, asuria, aullimentu, cringonia, ingurdoneria, istrintúmene, limiore, susuncúmini / abudesa, agodíssia, agudéntzia, asuréntzia | ctr. bonugoro Frasi maladitus, po una perda de galena, asurímini de meris, pipius sentza de babbu, pipius sentza de pani! (F.Perella) Etimo srd. Traduzioni Francese avarice, avidité Inglese avarice, avidity Spagnolo avaricia, avidez Italiano avarìzia, avidità Tedesco Geiz, Gier.

atzicadúra , nf Definizione su èssere atzicaos, arrestigos Sinonimi e contrari aggarramentu, asurímini, atzechidúdine, atzicaria, limiore, susuncúmini Etimo srd. Traduzioni Francese avarice Inglese miserliness Spagnolo cicatería Italiano spilorcería, tirchiería Tedesco Knauserigkeit.

atzicaría , nf Definizione su èssere atzicaos, arrestigos, susuncos Sinonimi e contrari atzechidúdine, atzicadura, mendhicu, mendighéntzia Etimo srd. Traduzioni Francese avarice Inglese stinginess Spagnolo cicatería Italiano spilorcerìa, tirchierìa Tedesco Knauserigkeit.

coghedhíu , nm Definizione su naturale de su coghedhu, de chie no giaet mai nudha Sinonimi e contrari aggantzidúdine, asurímini, gregúmene, ingurdoneria, limiore, migragna, susuncúmini Frasi no nos dades mancu unu sodhu: Deus ndhe apat s'ànimu, de su coghedhiu bostru! Etimo srd. Traduzioni Francese avarice Inglese avarice Spagnolo avaricia Italiano avarìzia, spilorcerìa Tedesco Geiz.

limiòre , nm Definizione su èssere limidos, susuncus, sa calidade de is arrestigos Sinonimi e contrari aggrancidúdine, aggranciúliu, arrestigore, asurímini, atzechidúdine, ingurdoneria, istrintúmene, susuncúmini Frasi lampu, cusse est su limiore fatu a ómine! ◊ lampu a limiore chi zughet cussu: mancu abba ti daet! Etimo srd. Traduzioni Francese avarice, avidité Inglese avarice, greediness Spagnolo avaricia, avidez Italiano avarìzia, avidità Tedesco Geiz.

malucòro , nm: malugoro, malugoru Definizione malu coro, in su sensu de no giare, de arrestigore, de no pentzare nudha a s'àteru Sinonimi e contrari limiore, susuncheria | ctr. bonucoro Modi di dire csn: fàghere sa cosa a m. = sentza de ganas, ammarolla, pruscatotu ca si pentzat de no ndi bogai nudha de bonu, o ca no andat bèni, in duda chi no siat giustu Frasi su meri susuncu, meri malugoru, no dh'iat mai cumbidau a domu ni a prandi e ni a cena ◊ teniat una richesa ibbaldarada, ma fit de malugoro e no daiat nudha a nisciunu Etimo srd. Traduzioni Francese avarice, égoïsme Inglese meanness Spagnolo cicatería, mezquindad Italiano grettézza, egoismo Tedesco Engherzigkeit, Egoismus.

pistrinchía , nf Definizione su èssere pistricos, arrestigos Sinonimi e contrari aggantzadura, aggrancidúdine, asurímini, limiore, pistrinconia, susuncúmini | ctr. bonucoro Frasi tue no connosches pistrinchia ca su coro ti brotat de corazu ◊ pro pistrinchia tzia Mariannica fit che a su maritu etotu Etimo srd. Traduzioni Francese avarice, pingrerie, usure Inglese stinginess, usury Spagnolo tacañería, usura Italiano tirchierìa, usura Tedesco Geiz, Wucher.

susuncúmini , nm Definizione su èssere susuncos, arrestigos Sinonimi e contrari aggantzadura, aggarradura, aggrancidúdine, arrestigore, asurímini, atzechidúdine, gregúmene, ingurdoneria, istrintúmene, limiore, migragna Etimo srd. Traduzioni Francese avarice Inglese avarice Spagnolo avaricia Italiano avarìzia Tedesco Geiz.