Legenda Abbreviazioni | Legenda Simboli

abbacòrra , nf: abbagorra Definizione abba de corra: s'abbighedha chi essit de su nasu candho unu est arremadiadu Sinonimi e contrari arrema, abbanasu Frasi lentore, pèrelas, làgrimas de sa note, abbagorra de su chelu (N.Demurtas) Etimo srd. Traduzioni Francese glaire Inglese drainage from the nose Spagnolo moquita Italiano catarro, scólo nasale Tedesco Nasenlaufen.

abbanàsu , nf Definizione su mucu isabbisabbi, pagu cagiau de pàrrere abba, chi bogat su nasu arremadiau Etimo srd. Traduzioni Francese coryza, écoulement nasal, rhume Inglese snot Spagnolo moco Italiano secrezióne nasale da raffreddóre Tedesco Nasenschleim.

nasédhu 4 , agt Definizione nau de boghe, chi si faet mescamente cun su nasu, a carighedha Frasi cudha fémina si firmàt e si poniat a cantai unu pagu nasedha (D.Garbati) Traduzioni Francese nasale Inglese nasal Spagnolo nasal Italiano nasale Tedesco nasal.

tíva , nf: tívia, triva, trívia Definizione in s'intrada de su nasu, in mesu, genia de ossu modhe chi ispartzit is nàrigas, ma fintzes custas etotu, is tuvedhos buidos; sa parte po su totu, si narat po cara puru (de su cristianu) e mescamente po murru, bruncu (es. de cane, de porcu) Sinonimi e contrari nàstula 1 / chígia / murrighile, murru Modi di dire csn: èssere o istare a t. bassa = a chiza bassa, a ogros a terra coment'e tenindhe birgonza; fai a trivas de pari, fàghere a trivas = a chie ndhe podet fàghere de prus o menzus, a proas, a bínchidas; andai a trivas = s'unu contr'a s'àteru; b'at trívias = bi at murrunzu, iscórriu, pretu Frasi ant orijas e no intendhent, ant tivas e no nuscant ◊ su nasu fit chin duas trivas mannas e nighedhas pariant bucas de galleria…◊ che zughet onzi tivedha cantu est lalgu s'istradone! 2. si tue li naras cosa, istat a tiva bàscia ◊ fut una die de caldu luinu e che fut a tiva a modhe in sa lachedha ◊ a tiva bassa eo apo iscurtadu totu su chi ant ordidu pro innóriu ◊ giresi palas e ch'essei a tiva bassa che ómine lantadu 3. is istaris de Castedhu de susu faint a trivas po tocai su celu ◊ funt currendi in tírria e a trivas cun is pretocaus ◊ is didus de su sonadori badhant in su sonetu a trivas cun is peis de is badhadoris ◊ candho no che pesiant unu parente distintu che aiat trívias puru tra parentes Terminologia scientifica crn Etimo srd. Traduzioni Francese cloison du nez, narine Inglese nasal septum, nostril Spagnolo tabique, narina Italiano sètto nasale, narice Tedesco Nasenscheidewand, Nasenloch.

«« Cerca di nuovo