Ditzionàriu in línia
de sa limba e de sa cultura sarda

arrosciméntu , nm: arruscimentu, orrossimentu Definizione istrachidúdine o immarritzone mentale o genia de tzatzadura chi si provat a fortza de fàere una matessi cosa o de si agatare sèmpere in d-una matessi manera, matessi logu Sinonimi e contrari arrosciu, cascariu, coloviamentu, ifadu, impalagamentu, istufonzu, isvilu Frasi po s'arroscimentu de sa genti at atuau is fragatas e si nc'est andau! Etimo srd. Traduzioni Francese saturation psychologique, ennui Inglese tedium Spagnolo hartazón Italiano saturazióne psicològica, tèdio Tedesco Überdruß.

cascaríu , nm: cascaviu, cascàviu Definizione immarritzone mentale o genia de orroschimentu chi si provat a fortza de fàere a sa sighia una matessi cosa o de si agatare sèmpere de sa matessi manera, in su matessi logu Sinonimi e contrari arroscéntzia, arroscimentu, coloviamentu / refudu Frasi su cascaviu est malu, in campu, candho istas tempos e tempos chentza bídere a neune! 2. la tenzo a cascàviu sa zente irventiada! ◊ in domo sa fae l'amus a cascàviu (G.Ruju) Etimo srd. Traduzioni Francese saturation psychologique Inglese psycological saturation Spagnolo agobio mental Italiano saturazióne psicològica Tedesco psychische Sättigung.

coloviaméntu , nm Definizione immarritzone mentale o genia de orroschimentu chi si provat a fortza de fàere una matessi cosa o de si agatare sèmpere in d-una matessi manera, in su matessi logu Sinonimi e contrari arroscimentu, cascariu, impalagamentu Etimo srd. Traduzioni Francese saturation psychologique Inglese psycological saturation Spagnolo agobio Italiano saturazióne psicològica Tedesco psychische Sättigung.