Legenda Abbreviazioni | Legenda Simboli

ammuntadòre , nm, agt: ammurtadori, ammutadore 1, ammutadori, ammutaroi, muntadore Definizione personàgiu, èssere de sa fantasia chi càrrigat a sa gente in su sonnu, candho unu est dormiu e dh'assicat; chi faet assicare, faet a tímere; unu chi faet maias, prus che àteru furone chi frandhigat animale (mescamente porcu) po dh'asseliare e citire, o fintzes is canes de àtera manera, chi no fatzant iscóviu chi dhue at gente angena furandho / s'a. benit, essit, falat, bàrriat a unu; a. de sete berritas = èssere de sa fantasia, nadu a sos pisedhos pro los fàghere a timire Sinonimi e contrari ammantadore, ammuntadura, ammuntamentu, carrigadore, mascatzu, mutadori, mutarolla, pesàdighe, pindàciu 1, surtora Frasi sonnu ammuntadore ◊ mi est torranne s'amuntadore chi mi est bénnidu aintro de note ◊ nant ca a mesunoti essit s’amutaroi 2. àbbile ammuntadore, lassa sos anzones meos! ◊ imberriados ammuntadores abbistos solu a oferire sónnios ◊ sa note niedha ammuntadora dat tragonazas de tempus malu 4. si no faghes a bonu giamo s'ammuntadore de sete berritas a ti che leare! Etimo srd. Traduzioni Francese cauchemar, lutin Inglese nightmare, elf Spagnolo pesadilla, duende Italiano ìncubo, follétto Tedesco Alptraum, Kobold.

ammuntadúra , nf: ammutadura 1 Definizione sonnu légiu / ammuntadura de coro = atzíchidu, oriolu mannu Sinonimi e contrari ammuntadore, ammuntamentu, ammuntu 1, carrigadore, mascatzu, mutadori, mutarolla, pesàdighe, pesadíglia, pindàciu 1, surtora Etimo srd. Traduzioni Francese cauchemar Inglese nightmare Spagnolo pesadilla Italiano ìncubo Tedesco Alptraum.

carrigadòre , nm: garriatore Definizione sonnu malu meda Sinonimi e contrari ammuntadore, ammuntadura, mascatzu, mutadori, mutarolla, pesàdighe, pesadíglia, pindàciu 1, surtora Etimo srd. Traduzioni Francese cauchemar Inglese nightmare Spagnolo pesadilla Italiano ìncubo Tedesco Alptraum.

mascàtzu , agt, nm: moscatzu Definizione bisu malu, timoria de bisu malu; un'èssere fatu a pentzamentu, chi no si agatat, prus che àteru pentzau coment'e malu; chi o chie est malu Sinonimi e contrari ammuntadore, carrigadore, mutarolla, pesàdighe, pesadíglia, pindàciu 1, surtora / doenna, matzamurredhu, mauredhu Frasi sa disgrasciada, a gridos e minetas, de mascatzu mi tratat e de vile: si sos ojos fint ballas de fusile mi tiat fragassare ossu e petas (P.Casu)◊ no at mancu simizu de cristianu, paret unu mascatzu, adderetura! 2. a contu tou Giorzi est unu mascatzu? No betat pedra a pudha! Terminologia scientifica fnt. Etimo ltn. masca Traduzioni Francese cauchemar, lutin, ogre Inglese nightmare, imp, ogre Spagnolo pesadilla, coco, bu Italiano ìncubo, follétto, òrco Tedesco Alptraum, Alp, Oger.

pesadíglia, pesadílla , nf: pesaríglia Definizione sonnu malu meda, genia de pantàsima chi essit in su sonnu Sinonimi e contrari ammuntadore, ammuntadura, carrigadore, mascatzu, mutadori, mutarolla, pesàdighe, pindàciu, surtora Frasi si nd'est iscidau ca fut in sa pesadíglia Etimo ctl., spn. Traduzioni Francese cauchemar Inglese nightmare Spagnolo pesadilla Italiano ìncubo Tedesco Alptraum.

«« Cerca di nuovo