Legenda Abbreviazioni | Legenda Simboli

abbeltudàre , vrb: abbertudare, abbirtudare, aveltudare, avertudiare Definizione apèrrere is ogos ischidandhosi, ischidare, cumprèndhere; torrare in sensos, nau de unu chi si est dimajau, imbortighinau Sinonimi e contrari irvertudare, ischidare, isvizuliare, scidai, solbèschere Frasi su sonnu ischida, abbertúdadi un'istante! (G.M.Ruggiu)◊ su pitzinnu est abbarradu drommidu e pustis ora si est abbertudadu ◊ in s'assuconu ispasimendhe mi so dae su sonnu abbertudadu ◊ pro non pèrdere totu, sa mischina si fit avertudiata e aiat postu mente ◊ no est fàtzile a pessare chi nudha tet èssere piús che a prima, a ti aveltudare apoi de su chi est sutzessu 2. un'ora so istau mortu in terra: de poi mi ndhe so abbirtudau Etimo srd. Traduzioni Francese se réveiller Inglese to wake (up) Spagnolo despertarse Italiano svegliarsi Tedesco aufwachen.

ischidàda , nf: iscidada, scidada Definizione su ischidare; s'ora chi unu s'ischidat / avb. (fàere cosa) a s'i. = sendhe ischidados, a ogros abbertos; tempus, candho unu si ndhe ischidat Sinonimi e contrari isvizúliu, scidadura | ctr. drommida Frasi a s'ischidada tocat a pesare luego ca depimus tucare ◊ custos si furint dormios e a s'ischidada ant agatau apresu insoro unu burricu 2. isto pensendhe a tie a s'ischidada e a sa drommida ◊ fato sónnios a s'ischidada Etimo srd. Traduzioni Francese réveil Inglese awakening Spagnolo despertar Italiano risvéglio, svéglia Tedesco Erwachen, Aufwachen.

segúzu , nm: siguzu, suguzu Definizione movimentu, moida de cosa, de gente, de animales chi funt movendhosi; fintzes su petire o punnare a calecuna cosa Sinonimi e contrari apeutu, ischimuzu / cdh. sigúciu / abbatúliu, abbolotu, agiolotu, mórigu, pilisu, subuzu*, trambullu, tregollu Frasi paret chi intendhe seguzu: depet èssere benzendhe calicunu ◊ passaia oras e oras in sa bidriera de su bracone e dogni seguzu, dogni passu chi intendhia, mi pariat issu ◊ su bentu de su tempus curret chena pasu e ne suguzu ◊ como no drommis prus discuidadu, za ti l'at postu bonu su siguzu daghi oto pudhas ti at isconcadu! 2. candho faghet die tota sa natura est in suguzu Traduzioni Francese réveil Inglese reawakening Spagnolo despertar Italiano risvéglio Tedesco Aufwachen.

«« Cerca di nuovo