Legenda Abbreviazioni | Legenda Simboli

bigaròne, bigaròni , nm Definizione currente, biga prus pitica e prus fine chi si ponet de una biga a s'àtera in sa teulada; in su telàrgiu, donniunu de is duos tacheris Sinonimi e contrari currente 2, listellu, tzivina 1 Frasi sa trae maistra e sos bigarones Traduzioni Francese soliveau Inglese rafter Spagnolo vigueta Italiano travicèllo Tedesco Deckenträger, kleiner Balken.

incrabiolài , vrb Definizione pònnere is crabiolas, is currentes, faendho teuladas Sinonimi e contrari intzivinai Etimo srd. Traduzioni Francese voliger Inglese to plank Spagnolo enmaderar Italiano impalcare Tedesco die Balken legen.

pétzu , nm Definizione truncu mannu de linna, longu e no tanti grussu, pruschetotu segau a serra, chi ponent po agguantare ccn. cosa grae meda o de pòdere pigare pesu grae (es. teulada, intaulau) Sinonimi e contrari biga, trae / terrinu Modi di dire csn: p. de terra = terrinu; petzus lauraus = terras prenas; èssiri p. de furca = malu, trassosu, malafatore; petzu de giòvunu, de ómini = zòvanu, ómine mannu meda; petz'e ogu che pira = ogros maduros Frasi si at béndhidu totu, finas tàulas e petzos de sa domo ◊ l'ant àpidu impicadu a unu petzu ◊ ballendhe si àlciat e si pesat fin'a tocare su petzu: est a bídere lezeresa! ◊ sa barraca fiat fata totu a petzus mannus de tziníbiri 2. gràscias a Deus so como betzu mannu, sempre, però messendhe in petzu meu ◊ in su petzu chi bi ponzo trigu, ista seguru chi trigu bi ponet! 3. nci at petzu de giòvunu artu cantu su campanili Etimo itl. pezzo Traduzioni Francese poutre, pièce de terre Inglese gilder, piece of ground Spagnolo viga, parcela Italiano trave, appezzaménto Tedesco Balken, Grundstück.

traiciòba, traiciòla , nf: treicioba Definizione trae pitica, orrugu de linna, pértiga grussa, fintzes linnàmene sistemau apitzu de is bigas faendho teulada po dhue istèrrere sa cannitzada e apustis sa téula Sinonimi e contrari traizolu, travedha, bigarone / cdh. traicedha Frasi chi pigu cussa traiciola nc'istupas tui totu paris cun s'eca etotu! (G.Mura)◊ in sa barraca dhui at una funi acapiada a duas traiciobas po apicai cosa Etimo srd. Traduzioni Francese soliveau Inglese rafter Spagnolo vigueta Italiano travicéllo Tedesco kleiner Balken.

«« Cerca di nuovo