brussòne , nm: bulcioni,
bultzone Definizione
cropu forte giau a púngiu serrau / brussone de boe = incorrada
Sinonimi e contrari
bucicone,
ilbrunzigone,
pinnegosu,
puini,
prunzu
Etimo
srd.
Traduzioni
Francese
torgnole
Inglese
punch
Spagnolo
puñetazo
Italiano
cazzòtto
Tedesco
Faustschlag.
bucicòne, bucicòni , nm: bugicone,
burtzigone Definizione
manu serrada a púngiu; cropu forte giau a púngiu serrau, ma fintzes cropu, iscutulada bastat chi siat
Sinonimi e contrari
brussone,
ilbrunzigone,
pinnegosu,
puini,
prunzu
/
colpu,
irbatulada
Frasi
a punzos e a bucicones mi l'ant totu degogliada, chi si ndh'est finas pisciada de sa podha chi li ant dadu (G.Ruzzone)◊ sa pipia dormit a buciconis in pitzus de is piturredhas ◊ disisperau, at cumentzau a si ferri a buciconis a conca e a tzirrichiai is dentis
Traduzioni
Francese
poing (coup de poing)
Inglese
punch
Spagnolo
puñetazo
Italiano
pugno (cólpo di)
Tedesco
Faustschlag.
pinnegósu , nm: pinnigosu,
pugnigosu,
punnigosu,
punnugosu Definizione
sa manu cun is pódhighes serraos a istrintu; cropu chi si giaet cun sa manu serrada deasi
Sinonimi e contrari
bucicone,
ilbrunzigone,
ispubusada,
puini,
punzigone,
prunzu
Frasi
iat artziau sa boxi e pistau su pinnigosu a sa mesa
2.
dhi dòngiu una betuada de pinnigosus, nci dhu forbicu a su muru! ◊ mi dha seu scallara fendi largu a pugnigosus ◊ pigàt a pinnigosus gennas e fentanas
Traduzioni
Francese
poing,
coup de poing
Inglese
fist
Spagnolo
puño
Italiano
pugno
Tedesco
Faust,
Faustschlag.
prúnzu , nm: pugnu,
púngiu,
púniu,
puntzu,
punzu Definizione
sa manu serrada a istrintu; cropu giau a manu serrada; su tanti de cosa chi si podet pigare in sa manu coment'e umprindho, cosa paga / min. punzedhu, punzichedhu
Sinonimi e contrari
bucicone,
ilbrunzigone,
pinnegosu,
puini
/
puinada
/
impuinada
/
manuza 1
/
pagu
Modi di dire
csn:
fàgheresi a unu punzu (nadu de zente, de bestiàmine) = atuturàresi, collíresi paris acurtzu meda, fàgheresi a unu muntone coment'e timindhe, pro salarzu; punzu de casu = pischedhu; èssere chin su coro afissu che punzu = timindhe meda, isarcadu; (nadu de una cosa, de unu fàghere) èssere che a iscúdere unu punzu a s'ària = debbadas, chentza profetu, totu nudha; iscúteresi punzos assutos = pentíresi, impudàresi tropu tardu
Frasi
mi at colpadu a pedra in punzu
2.
za si los iscudent sos punzos a bentre, sos parentes, candho morit! ◊ a punzos e a bucicones mi l'ant totu degogliada (G.Ruzzone)◊ sucediat murrúngiu e a bortas dha finiant a púngios puru! ◊ sichiat a iscútere cata bete puntzu!…
3.
cun punzos de castanza mugorada ti che passas su tempus ◊ amus semenadu unu punzu de trigu ◊ aciungi unu púniu de sali a s'àcua! ◊ l'at porriu unu punzedhu de casu e pacos panes ◊ ant carrigau tres piras de pane carasau e tres punzos de casu
4.
giuchiat sos ocros maturos cant'e su puntzu ◊ sas berbeghes si sunt salarzadas e fatas a unu punzu ◊ su pisedhu, chin s'assuconu in ogros e chin su coro afissu che punzu, insedheit su borricu e truveit a conca a bidha (M.Pinna)◊ su chi est sutzessu at fatu su logu a unu punzu ◊ ih, sa zente a unu punzu si est fata coment'est essida sa boghe de su dannu
5.
Antoni at batiu unu punzu de casu cràpinu e una frossella de recotu
Traduzioni
Francese
poing
Inglese
fist,
punch
Spagnolo
puño
Italiano
pugno
Tedesco
Faust,
Faustschlag.