Legenda Abbreviazioni | Legenda Simboli

cumpatèsa , nf Definizione nau de unu cumossu, o fintzes de gente, su èssere totunu, forte, chentza diferéntzias e ne iscórriu Traduzioni Francese compacité, solidarité Inglese compactness Spagnolo compacidad, apreturas Italiano compattéza Tedesco Festigkeit.

firmèsa , nf: frimmesa Definizione su istare firmos, ma nau prus che àteru de sa manera chi unu tenet in su fàere, in su pentzare, candho est seguru, de unu matessi andhare fintzes in is dificurtades e no istat a su càmbia càmbia, abarrat oguale Sinonimi e contrari solidesa / arree, firmàntzia, frimmore / segurànscia, seguresa / imprastu, seriedade / cdh. filmesa Frasi conca de pagu firmesa, ti ses primau po nudha! ◊ su tempus no tenet firmesa ◊ sos conchi lezeris no ant frimmesa ◊ conca de pagu firmesa, cantus ndi bis ndi amas! ◊ sorti, ch'in su mundu no tenis firmesa, cumenti de tui mi potzu fidai?! Traduzioni Francese stabilité, constance, fermeté Inglese firmness Spagnolo estabilidad, firmeza Italiano stabilità, fermézza, costanza Tedesco Stabilität, Festigkeit, Beständigkeit.

fitúra 1 , nf Definizione su èssere fitu, cracu, bene incracau de una cosa Sinonimi e contrari calcura, tipidura Frasi candho sos pischedhos de su casu ant leadu bona fitura si lis betat zota calda meda (G.Addis) Etimo srd. Traduzioni Francese compacité Inglese compactness Spagnolo compacidad Italiano compattézza Tedesco Festigkeit, Kompaktheit.

foltilèsa , nf: fortalesa, fortelesa, fortilesa Definizione su èssere forte, de agguantu, su tènnere fortza e fintzes sa fortza etotu; genia de punga o contramazina chi si faet nanca po badrare a unu de calecunu male; fasca po mantènnere una matza calada Sinonimi e contrari agguantu, coragi, foltza, fortigalesa / afortiamentu, breu, contramazina, foltíscia, lezeta, punga, scritu | ctr. debbilesa Frasi tue ses, o Deus meu, sa fortalesa mia ◊ santu Antine meu, ponídebbi sa manu e fortilesa e pascénscia nos dade! ◊ posta a dua piza, sa robba tenet prus fortilesa ◊ sos nuraghes ti ant dadu cun amore una pàgina de antiga fortilesa ◊ su muru fràigu tenet prus fortilesa ◊ su tzimentu a su muru fràigu li daet fortilesa 2. sas barrichedhas de su eritu las depes tènnere sèmpere chin tecus ca ti ant a serbire coment'e pungas e fortilesas ◊ chin custa fortalesa no at a tènnere mai male Etimo spn. Traduzioni Francese forteresse Inglese fortress, resistance Spagnolo fortaleza Italiano fortézza, resistènza Tedesco Stärke, Festigkeit.

sodèsa , nf Definizione su èssere sode de sa cosa: nau de gente, firmesa Frasi calchi bolta su mundhu est curiosu: zente chi de sodesa tenet vantu isbàgliat tzegamente sa… filada! (B.Asili) Traduzioni Francese consistance Inglese consistency Spagnolo consistencia, textura Italiano consistènza Tedesco Festigkeit.

solidèsa, solidétzia , nf Definizione su èssere sode, bene firmu, seguru Sinonimi e contrari duresa, firmesa Traduzioni Francese solidité Inglese solidity Spagnolo solidez Italiano solidità Tedesco Festigkeit, Solidität.

«« Cerca di nuovo