Ditzionàriu in línia
de sa limba e de sa cultura sarda

càlchida , nf, nm: càlchidu, càlchiu, càrchida, càrchide, càrchidu, càrciga, cràchida, cràchidu Definizione cropu chi is animales giaent cun is peis de asegus Sinonimi e contrari calche, càrcini Frasi una corríncia, sendhe in pitzinnia, càrchidos si betaiat in sa coa ◊ cussu poledhu candho si sapit zente acurtzu si bortat a càrchides ◊ ti acurtzas a su molente e dhi pones sa fune, però chistionadhu, sinono ti che aporrit crachi cràchida. (M.Deiana)◊ su pastore est curtu a ischirriare su bitelledhu dae sos cràchidos de sa mama, chi no ndhe agguantat s’aggheju Cognomi e Proverbi prb: a torrare su càrchidu a s'àinu dolet piús a tie Etimo srd. Traduzioni Francese ruade Inglese kick Spagnolo coz, patada Italiano càlcio Tedesco Huftritt.

càrcini , nm: càrcinu, cràcinu, crànciu (cràn-ci-u) Definizione cropu chi is animales giaent cun is peis de asegus Sinonimi e contrari calche, càlchida, cumerada Frasi unu crànciu de ègua a barras!…◊ su muenti tirat càrcinus ◊ dhu portant una poriga de tzius: est a cràncius che unu mobenti! Etimo srd. Traduzioni Francese ruade Inglese kick Spagnolo patada Italiano càlcio Tedesco Huftritt.