Ditzionàriu in línia
de sa limba e de sa cultura sarda

aciaróllu , nm: ciarollu Definizione su èssere drolles, su istare o èssere a pagu incuru in su bestire, in su fàere po no ndh'èssere bonos o po sa pagu gana Sinonimi e contrari drollàmene, drolléntzia, sgangàgliu Etimo srd. Traduzioni Francese négligé Inglese slovenliness Spagnolo descuido, dejadez Italiano sciatterìa Tedesco Nachlässigkeit.

càgna , nf Definizione genia de lentesa po mandronia, de pagu gana, de isténiu Sinonimi e contrari apódhiu, fiaca Frasi boltendhe die si poniat cagna (P.M.Canu) Etimo itl. cagna Traduzioni Francese indolence Inglese indolence Spagnolo indolencia Italiano indolènza Tedesco Nachlässigkeit.

descuídu , nm: discódiu, discóidu, discoiru, discuidu, discúidu, discúitu Definizione su lassare is cosas a trascuru, chentza fatas, su tirare a longas po pagu incuru Sinonimi e contrari abbandhonu, disamparu, discodiau, scabudu, scoidu, trascura, trascuràntzia / cdh. scuntivíciu | ctr. coidade, contibizu, presse Frasi si morjo goi est discódiu meu ◊ ancu ti si ponzat su discódiu! ◊ dae culpa de su discóidu apo fatu in debbadas su caminu ◊ apo pérdidu sa missa pro discúidu 2. su discódiu no fit debbadas si su fizu no fit galu torrau! Cognomi e Proverbi prb: su discóidu est cumpanzu de sa malasorte Etimo spn. Traduzioni Francese négligence coutumière Inglese shabbyness Spagnolo descuido Italiano trascuratézza, grave negligènza Tedesco Nachlässigkeit.

discodiàu , pps, nm, agt: discoidadu, discoirau, discuidadu, discuidatu, discuidau Definizione de discodiare; persona chi lassat tropu is cosas a trascuru; su no tènnere presse, lestresa, incuru in su fàere is cosas; chi istat a discóidu, cambadu, agoa Sinonimi e contrari discoidosu, iscoidau / descuidu, mindhafutia, scoidu, trascura | ctr. coidadosu, impedinadu / coidade 3. un'astore si est betadu a che leare una pudha discuidada ◊ tue chi tenes a prontu mutos e versos no t'istes discuidadu! ◊ mi ghetant nexi ca seu discuidau Traduzioni Francese négligence Inglese negligence Spagnolo descuidado, descuido Italiano negligènza, trascuratézza Tedesco Nachlässigkeit.

drolléntzia , nf Definizione su èssere drolles, su istare o èssere a pagu incuru in su bestimentu, in su fàere, po no ndhe èssere bonos o po sa pagu gana Sinonimi e contrari aciarollu, drollàmene, sgangàgliu Etimo srd. Traduzioni Francese négligé, laisser-aller Inglese slovenliness Spagnolo descuidado, descuido Italiano sciatterìa Tedesco Nachlässigkeit.

scoídu, scóidu , nm Definizione discódiu, su no tènnere presse, lestresa, incuru in su fàere is cosas Sinonimi e contrari descuidu*, discodiau, trascura | ctr. coidade, incuru Frasi est peus su scoidu chi no sa preitza Traduzioni Francese négligence Inglese negligence Spagnolo descuido Italiano trascuratézza Tedesco Nachlässigkeit.

sgangàgliu , nm: sgangàliu Definizione su èssere drolles, su istare o èssere a pagu incuru in su bestire, in su fàere po no ndh'èssere bonos o po sa pagu gana Sinonimi e contrari aciarollu, dilgana, drollàmene, drolléntzia Etimo srd. Traduzioni Francese négligé Inglese slovenliness Spagnolo desaliño, dejadez, chapucería Italiano sciattézza Tedesco Nachlässigkeit.

trascúra , nf, nm: trascuru Definizione su pagu incuru in su fàere o po fàere is cosas, su lassare andhare is cosas a s'afaiu, a su chi ndhe arresurtat Sinonimi e contrari descuidu, discodiau, mindhafutia, trascuradesa, trascuràntzia, trascuronzu / scuntivíciu | ctr. contibizu Frasi pone su sonnu abbandha, ca in custa ocasione no bi cheret trascuru! ◊ sa trascura est cumpanza de sa mala ventura Etimo srd. Traduzioni Francese négligence Inglese negligence Spagnolo negligencia, dejadez Italiano trascuratézza, negligènza Tedesco Nachlässigkeit.

trascuradèsa , nf Definizione su èssere o fàere chentza incuru, cun pagu contivígiu Sinonimi e contrari trascura, trascuramentu | ctr. linghizu Traduzioni Francese négligence Inglese oversight Spagnolo negligencia, dejadez Italiano trascuratàggine Tedesco Nachlässigkeit.