Ditzionàriu in línia
de sa limba e de sa cultura sarda

arronchinài , vrb: arrunchinare, arrunciai, arruncinai, arruncinare, orrunchinare, ronchinai Definizione pònnere su bruncu, fichire is dentes a calecuna cosa po si dha papare; andhare a su friga friga in calecuna cosa o cun ccn.; fintzes pònnere a una parte, istare arretiraos, tròchere a una parte Sinonimi e contrari arrosigai, arrusurare, mandhicare, papae / friai, scrabutzinai, scrovinai / trancire Frasi fiat aspetendi a morri su fradi po ndi suciai su nostu puru, ma no ndi arrúncinat! ◊ si no at iscrúfiu nudha, si arrúncinat is cracàngius! ◊ balla, de cussus drucis ndi at arruncinau pagu! ◊ su bestiolu est arruncinendi unu fundu de cardu ◊ is piciochedhus si dhui at fàmini ge arrónchinant de totu!◊ totus tirànt a domu de cussus, si bit ca dhui fiat cosa meda de arrunchinai 2. a atumbai a tui est peus de arruncinai in d-una cresuri de figumorisca! 3. toca, arrunciarí in calincunu furringoni, chinuncas buscas!◊ is piciochedhus no abarrastis mai arrunciaus: si afracastis, giogastis a istrumpas ◊ ses sempri in giru: ti bolemu filla mia isceti una dí, ca est seguru chi abarràst arrunciara! Etimo srd. Traduzioni Francese ronger Inglese to nibble Spagnolo roer Italiano rosicchiare Tedesco nagen.

arrosigài , vrb: orrosigare, rosicare* Definizione orrunchinare, coment'e arrasigare cosa cun is dentes, papandho, mescamente sa prupa de petza cun ossu Sinonimi e contrari arrasicare, arròere, arronchinai, arrusurare Frasi su cani est arrosighendi un'ossu 2. nci fúrriat sa faci po no biri is ossus arrosigaus ispainaus in terra 3. s’axiu mi at a arrosigai aintru candu apu a abarrai castiendusí de sa bentana Traduzioni Francese ronger Inglese to gnaw Spagnolo roer Italiano ródere Tedesco nagen.

assannigàre , vrb Definizione orrunchinare cun is sannas, addentigare, mossiare cun is sannas Sinonimi e contrari arrosigai, arrusurare Etimo srd. Traduzioni Francese ronger Inglese to gnaw Spagnolo roer Italiano ródere Tedesco nagen.

rosicadúra , nf: orrosigadura, rosigadura Definizione su rosicare, cosa orrunchinada, singiale chi abbarrat de orrunchinadura Sinonimi e contrari orruntzinadura, rósicu, rosighinzu, rosidura, rúnchinu Etimo srd. Traduzioni Francese rongement Inglese gnawing Spagnolo roedura Italiano roditura Tedesco Nagen.

rosicàre , vrb: arrosigai, orrosigare, rosigai, rosigare, rotzigare, rutzigare Definizione orrunchinare a pagu a pagu, coment'e arasigare cosa cun is dentes papandho, mescamente istacandho sa prupa de is ossos; fintzes matzigare ebbia e, nau in cobertantza, pigare o giare pelea, múngia, dispraxere, sufrire; isfrutare a ccn. de mala manera Sinonimi e contrari arrasicare, arròere, arronchinai, arrusurare / massiai Frasi cussu mortu in mare si l'at rosicatu su pische ◊ ca ti ant dadu calchi ossu a rotzigare feris chentza mirare! ◊ s'àinu fit rotzighendhe raminzu ◊ un'ispétzia de assile si rósigat sas raighinas 2. s'ebba de minnannu est rotzighendhe avena ◊ ant lassadu fizos in corrutu, muzeres rotzighendhe oras de angustia (L.Brozzu)◊ un'ispétzia de disisperu dhu rosigàt aintro de cropus: s'ammentu de Sardínnia (A.Cossu)◊ su cumpanzu de partiu in domo sua pro pedire botos li fit pàssia sa tentassione rosicàndhesi sa dinnidade issoro (G.Piga) Etimo ltn. *rosicare Traduzioni Francese ronger Inglese gnaw Spagnolo roer Italiano rosicchiare Tedesco nagen, annagen.

rósicu , nm: rósigu Definizione su rosicare, fintzes cosa orrunchinada, su chi abbarrat o si coígiat de sa rosicadura Sinonimi e contrari mordogu, rosicadura, rosidura, rúnchinu / cdh. róntzicu 2. cussu si papat totu: no lassat mancu rósigu! Etimo srd. Traduzioni Francese rongement Inglese nibbling Spagnolo roedura Italiano rodiménto, rosicchiaménto Tedesco Nagen.