Ditzionàriu in línia
de sa limba e de sa cultura sarda

assuconài , vrb: assunconai, atzuconai, atzunconai, sunconai, tzuconai Definizione prànghere a suncutos, a assuconis, a meda de no pòdere mancu torrare àlidu; fàere moida coment'e assuconis Sinonimi e contrari assungurtai, assupedhare, piànghere Frasi assunconendi disisperau mi fia cuau in is lentzorus ◊ fiat prangendu e assunconendu coment'e unu pipiu ◊ su dolori dha fait atzuconai ◊ dh'at atzuconau che mortu 2. est lómpiu apustis de totu una dí chi su trenu iat assunconau Etimo srd. Traduzioni Francese sangloter Inglese to sob Spagnolo sollozar Italiano singultire Tedesco schluchzen.

assucòni , nm: assunconi, assuconu, sunconi* Definizione genia de respiru a cropu chi si faet candho si pranghet meda Sinonimi e contrari assupedhu, singurtu, sucúturu, surpúliu, tzúcuri Frasi itzia Francisca si donàt surras de prantu cun grandus suspirus e assuconus Etimo srd. Traduzioni Francese hoquet, sanglot Inglese sobbing Spagnolo sollozo Italiano singulto Tedesco Schluchzen.

assungurtài , vrb: singultare* Definizione prànghere a suncutos, a supedhu Sinonimi e contrari assuconai, assupedhare Frasi prangit e assungurtat po su dannu mannu chi at tentu Traduzioni Francese sangloter Inglese to sob Spagnolo sollozar Italiano singultire Tedesco schluchzen.

assupedhàre , vrb Definizione prànghere a supedhu, a suncutos Sinonimi e contrari assuconai, assungurtai Etimo srd. Traduzioni Francese sangloter Inglese to sob Spagnolo sollozar Italiano singultire Tedesco schluchzen.

singultàre , vrb: assungurtai, singurtai, singurtare, singutai, sungotai, sungurtai, sungurtare Definizione prànghere a suncutu, tzunchiare pranghendho Sinonimi e contrari assuconai, assupedhare Frasi de comenti dh'apu inténdia sungotendi mi est ammodhiau su coru Etimo ltn. singultare Traduzioni Francese sangloter Inglese to hiccup Spagnolo sollozar Italiano singhiozzare Tedesco schluchzen.

singúrtu , nm: singutu, sungúrtidu, sungurtu Definizione est s'assúpidu, su mancamentu de àlidu, chi benit a chie est pranghendho a meda, genia de arrespiru a corpu po carda de prantu Sinonimi e contrari acoramentu, assupedhu, atzuconamentu, súcunu, sucúturu, súsperu, surpúliu, tzuconi, tzúcuri Frasi trista sorte: est bénnida sa die de prànghere a sungurtu! ◊ est prangendi a singutus che unu pipiu ◊ in urigas m'istronat su sungurtu de dolore de sa mama ◊ po dhi fai passai is sungúrtidus, a su pipiu, sa mamma dhi at donau tzúcuru Etimo ltn. singultus Traduzioni Francese sanglot Inglese sob Spagnolo sollozo Italiano singulto Tedesco Schluchzen.