Legenda Abbreviazioni | Legenda Simboli

apicài , vrb: apicare, picai 2, apicari Definizione pònnere cosa arréschia in calecunu logu, in calecuna punta o àteru (es. crau, puncione) a manera chi abbarret pendhendho in artu; artzare a pitzu de calecunu logu / apicai sonajolus a unu = bogàreli fogu, nàrrere in ziru cosas chi no sunt Sinonimi e contrari acadhai, apichedhai, apilicare, impicare | ctr. ispicai Frasi a pitzu de cuss'orroca no apo tentu ocasione de apicare ◊ commo sas coronas sunt apicandhedhas in sos muros ◊ in bellu logu as apicau is crais!… 2. unu belosu aiat mortu sa muzere e si fit apicadu isse puru 3. su serbidori ndi at pigau in sa bértula sa cosa chi furiat apicada ◊ bi aiat colves e canistedhas apicadas Etimo itl. appiccare Traduzioni Francese accrocher Inglese to hang Spagnolo colgar Italiano appèndere Tedesco aufhängen.

impicài, impicàre , vrb Definizione apicare a sa furca o a calecunu logu artu cun sa fune acapiada a su tzugu po bochíere; pònnere cosa in artu agganciada a calecunu logu (es. puncione, crau o àteru) Sinonimi e contrari apicai | ctr. ispicai Frasi sas matas chi as brujadu t'isetant pro t'impicare 2. lah ca sa sàssula est impicada ingunis! ◊ sas campanas las ant impicadas in su campanile ◊ apo impicatu su cuadru a su crau de su muru ◊ zuchiat una manu impicada a su trucu fascada chin d-una fasca de frandha Etimo itl. Traduzioni Francese pendre Inglese to hang Spagnolo ahorcar Italiano impiccare Tedesco aufhängen.

impícu , nm Definizione su impicare, sa cundenna a èssere impicaos a sa furca Sinonimi e contrari impicadura Frasi cussu cheriat cundennadu a s'impicu pro comente est malu! ◊ sa zente pranghiat a tremutu intendhendhe cudhu cundennau a s'impicu ◊ dhus iat fatus cundannai a s'impicu po dhus fai morri impressi ◊ pro pulire bi cheret su rustàgliu, sentza timire ispesa ne fadiga ca no est a los zúghere a s'impicu! (G.Soggiu)◊ chi biristis comenti furiat tristu… pariat andendi a s'impicu! Etimo srd. Traduzioni Francese pendaison Inglese hanging Spagnolo ahorcamiento Italiano impiccagióne Tedesco Aufhängen.

istèndhere , vrb: istèndiri, stendi Definizione ispràghere is trastos isciustos po asciutare in su sole (o àteru), pònnere sa cosa a manera chi arresurtet o abbarret isprata in largària, o fintzes istirada in longària Sinonimi e contrari atendiai, istenniare, istèrrere, istirare, stendiai, tèndhere | ctr. atuturae Etimo ltn. extendere Traduzioni Francese étendre, étaler Inglese to hang out (lay), to stretch Spagnolo tender, extender Italiano stèndere, sciorinare Tedesco aufhängen.

«« Cerca di nuovo