Ditzionàriu in línia
de sa limba e de sa cultura sarda

abbàndha , avb, prep: abbanna Definizione a bandha: a solu, a una parte, chentza dipèndhere de àtere Frasi sos fizos istant abbandha ◊ su dischente si est postu a contu sou, abbandha de su mastru chi l'at imparadu ◊ maridu e muzere non andhaint de acordu e drumiant a letu abbandha 2. istat assoladu abbandha dae sa zente ◊ custu lu depes cussiderare abbandha de onzi àteru Etimo srd. Traduzioni Francese indipéndamment Inglese indipendently, apart Spagnolo independientemente, aparte Italiano indipendenteménte, in disparte Tedesco unabhängig, beiseite.

acuzonàu , pps, agt Definizione de acuzonare; chi est chistiu postu a una parte Sinonimi e contrari afurrungonau, arrenconau, ingronau Traduzioni Francese rangé Inglese placed Spagnolo apartado Italiano ripósto Tedesco beiseite gestellt.

apartàu , pps, agt Definizione de apartai, -are / a s'apartada = chentza si giare a bíere 3. su Cristos est nàschidu a s'apartada Traduzioni Francese à l'écart Inglese apart Spagnolo apartado Italiano in disparte Tedesco beiseite.

dibbàndha , avb: dirbandha Definizione a bandha, a una parte / istare, corcare, èssere a d. = a sa sola, a contu suo Frasi una pitzinna ebbia no leaiat parte a su trechetu e si che istaiat sola sola a dibbandha de sas fedales ◊ no potendhe piús baliare tantu forroxu, ponzeit sa pascénscia a dibbandha Etimo srd. Traduzioni Francese de côté Inglese apart Spagnolo aparte Italiano disparte Tedesco beiseite.