Legenda Incurtzaduras | Legenda Sìmbulos

mediàda , nf Definitzione su mediare, migliorare, andhare méngius Sinònimos e contràrios abboniada, imbonimentu, mediada, melloria, mezorada, mezoramentu | ctr. aggravamentu, impeoramentu Frases su tempus at fatu una bella mediada Ètimu srd. Tradutziones Frantzesu amélioration Ingresu improvement Ispagnolu mejora Italianu miglioraménto Tedescu Verbesserung.

melloría , nf, nm: mengioria, mezoria, mezoriu, millioria Definitzione dónnia e css. cosa chi si faet o chi acontesset de bonu a manera de tènnere un'arresurtau méngius; genia de cuntratu de ispartzire unu terrenu a mesapare apustis chi su mesaparista at fatu s'allionóngiu e dh'at trebballada Sinònimos e contràrios meglioras, mezoru / cdh. midhuria Frases de mezoria unu provedimentu leent sas autoridades! ◊ si prima de mesanote no leat mezoria, sa die no li avreschet! ◊ su chi agato at a èssere mezoriu o galu tribbulia? Tradutziones Frantzesu amélioration Ingresu improvement Ispagnolu mejoría Italianu migliorìa Tedescu Verbesserung.

mezoraméntu , nm Definitzione su mezorare Sinònimos e contràrios imbonimentu, mediada, melloria, mezoru | ctr. aggravamentu, pejoramentu Frases mezoramentos inoghe no che ndh'at Ètimu srd. Tradutziones Frantzesu amélioration Ingresu improvement Ispagnolu mejora Italianu miglioraménto Tedescu Verbesserung.

mezóru , nm: ammezoru Definitzione su mezorare in su istare e in is cosas, su chi si est fatu de méngius e de prus, su trebballu, s'òpera de prus o de méngius Sinònimos e contràrios meglioras, melloria Frases unu síndhigu legu no podet dare mezoros de giudu ◊ in cussa terra no bi aiat nudha, ma bi ant fatu mezoru e paret unu zardinu ◊ so matanendhe che isciau in s'isetu de fàghere mezoros ◊ aimis fatu unos cantos mezoros in foraldidha e fimis ispetendhe su collàudu ◊ pro cudhu màrture non bi aiat aficu de mezoru Sambenados e Provèrbios prb: chie mezorat in domo anzena ndhe perdet su mezoru Ètimu srd. Tradutziones Frantzesu amélioration, progrès Ingresu improvement Ispagnolu mejora Italianu migliorìa, progrèsso Tedescu Verbesserung.

«« Torra a chircare