Ditzionàriu in línia
de sa limba e de sa cultura sarda

satzaròi , nm: sotzoroju, totorroi, tzatzarou Definitzione fògia de casada, folla de casaresa, língua de cani, càrica de porcu (s'arraighina chi portat a patatedha dha papant is porcos), tuturoi canu, genia de erba bona fintzes po cura Sinònimos e contràrios frongevogu, mustacedhus, tatarógiu* Frases est agru che satzaroi Terminologia iscientìfica rbc, Arum maculatum, A. pictum Tradutziones Frantzesu arum Ingresu cows and calves Ispagnolu aro Italianu gìgaro Tedescu gefleckter Aronstab.

tatarógiu, tataróju , nm: [nr. su tatarógiu = sutatarógiu] totorógiu totoroju, tutoroju Definitzione fògia de casada, folla de casaresa, língua de cani, càrica de porcu, tuturoi canu, genia de erba chi faet una fògia manna a triàngulu ingespiada de síngias biancas e bogat una candhelita curtza chi faet in punta coment'e unu gurdonedhu a pibionedhos innanti birdes e apustis orrúbios Sinònimos e contràrios frongevogu, mustacedhus, satzaroi Frases agru che totoroju ◊ cuntzetos suos e faedhos mios indruchint sa sisia de tataroju ◊ pramutza, totorógiu e cambigana bi ndh'at in donzi crista de andhamenta Terminologia iscientìfica rbc, arum italicum, a. maculatum, a. pictum Ètimu srdn. Tradutziones Frantzesu arum Ingresu cow-and-calves Ispagnolu aro, yaro Italianu gìgaro, aro Tedescu Aronwurz.