Ditzionàriu in línia
de sa limba e de sa cultura sarda

bídricu , nm: bídrigu, bídriu, bírdiu 1, brídicu, vídrigu Definitzione su de duos pobidhos de sa mama po is fígios de su primu pobidhu Sinònimos e contràrios frídicu Frases apo bistu a bídrigu tuu 2. cust'istadu est bidrígu e babbu indignu, inimigu e opressore Terminologia iscientìfica ptl Ètimu ltn. vitricus Tradutziones Frantzesu beau-père Ingresu stepfather Ispagnolu padrastro Italianu patrigno Tedescu Stiefvater.

sócru , nm: sogru, solgu, sorgu Definitzione parente de intradura, su babbu de sa pobidha, su babbu de su pobidhu (a/c.: po dhu tzerriare o numenare donniunu su suo, si narat Onnusogru)/ pl. is sorgus = sa sogra e su sogru Sinònimos e contràrios trogu 1 Frases ite trabballu faet sorgu tuo? ◊ nara, giovonedhu, beni, agiudadhu a sorgu tuu! ◊ tenes arresone, ma prima depes intèndhere a sorgu tuu! ◊ su socru ndhe fit bragheri de su ghéneru, ischiat su chi baliat su zòvanu ◊ no bit s’ora chi su sorgu dhu lessit intrai a domu! Terminologia iscientìfica ptl Ètimu ltn. socru Tradutziones Frantzesu beau-père Ingresu father-in-law Ispagnolu suegro Italianu suòcero Tedescu Schwiegervater.

vídrigu , nm: bídricu*, vírdicu, vítricu, vríticu Definitzione su de duos pobidhos de sa mama po is fígios chi custa at tentu cun su primu pobidhu Sinònimos e contràrios frídicu / cdh. vítricu Tradutziones Frantzesu beau-père Ingresu stepfather Ispagnolu padrastro Italianu patrigno Tedescu Stiefvater.