Ditzionàriu in línia
de sa limba e de sa cultura sarda

babbosèrra , nm: bobboserra Definitzione genia de bobboi chi assimbígiat a su carrabbusu, ma faet in su frutuàriu (mescamente sa figu de tréulas) e in is frores: giughet is alas de unu bellu colore, birde e unu pagu indeorau Sinònimos e contràrios culinughe, ipusedha, migalina, senegra Terminologia iscientìfica crp, cetònia carthami, potòsia affinis Ètimu srd. Tradutziones Frantzesu cétoine Ingresu rose-chafer Ispagnolu cetonia Italianu cetònia Tedescu eine Rosenkäfersorte.

culinúghe , nm Definitzione arratza de bobboi chi de fatura e de mannària assimbígiat a su tragamerda (pagu prus piticu), ma andhat meda a su frutuàriu (pruschetotu sa figu de prima) e a is frores: portat is alas de unu bellu colore, indeorau e birdànciu Sinònimos e contràrios babboserra, ipusedha, migalina, senegra Terminologia iscientìfica crp, cetonia aurata Ètimu srd. Tradutziones Frantzesu cétoine Ingresu rose-beetle Ispagnolu cetonia Italianu cetònia Tedescu Rosenkäfer.

senègra , nf Definitzione genia de bobboi chi assimbígiat a su carrabbusu, ma faet in su frutuàriu (mescamente sa figu de su mese de argiolas) e in is frores: portat is alas de unu bellu colore, unu pagu indeorau e unu pagu birde lúghidu Sinònimos e contràrios babboserra, culinughe, ipusedha, migalina Terminologia iscientìfica crp, Cetonia aurata Tradutziones Frantzesu cétoine Ingresu rose-chafer Ispagnolu cetonia Italianu cetònia Tedescu Rosenkäfer.