Legenda Incurtzaduras | Legenda Sìmbulos

alguzòne , nm: arguzone Definitzione genia de bobboi niedhu, de duos millímetros, chi ponet sa cria in su trigu incungiau e dhu punghet, totu Sinònimos e contràrios gruguglioni, ilguzone, orguloni, suzone Terminologia iscientìfica crp, calandra granaria Tradutziones Frantzesu charançon Ingresu wheat-weevil Ispagnolu gorgojo Italianu punteruòlo del grano Tedescu Kornwurm.

faciòni 1 , nm: fatzone, fatzoni Definitzione genia de bobboi niedhudu chi ponet mescamente a sa fae e a su pisucre chistios sicaos, coment’e cussu chi ponet a su trigu (ma custu est meda prus piticu e longhitu, cosa chi su fatzone est tundhatzu e portat alas puru, bolat) Sinònimos e contràrios pedruvà, perdubisedhu, stevedau Frases sa gintília tocat a dha prugai, no dhoi siat facioni ◊ su pisedhu portàt facioni e dèu dhu grisai ◊ teneus fà e fà papaus, ca s'acabbat de preni de facioni! Terminologia iscientìfica crp, laria pisorum Tradutziones Frantzesu charançon Ingresu weevil Ispagnolu gorgojo Italianu tónchio Tedescu Samenkäfer, Bohnenkäfer.

grugugliòni, grugullòni , nm: gruguzone 1, gruguzoni, grulloni, gurgugione, gurgulloni Definitzione babbaurru de trigu, bobboi pitichedhu, chi ponet in su trigu incungiau e dh'istampat, totu Sinònimos e contràrios alguzone, ilguzone, orguloni, suzone / cdh. giulgudhoni Terminologia iscientìfica crp, calandra granaria Ètimu ltn. gurgulione(m) Tradutziones Frantzesu charançon, puceron Ingresu weevil Ispagnolu gorgojo, cuco Italianu punteruòlo del grano o calandra, gorgoglióne Tedescu Kornwurm, Kornkäfer, Kornkrebs.

pedruvà, pedruvàba, pedruvàe , nm: perdivà, perduvà, perduvaba, predufava, preduvae Definitzione genia de bobboitedhu niedhudu (upm) chi ponet mescamente a sa fae e a su prisuche chistios sicaos e dhos istampat, deasi comente un'àtera genia prus pitica ponet a su trigu Sinònimos e contràrios bobboivada, facioni 1, perdubisedhu, stevedau Frases in sa fae bi apo àpidu duos pedruvaes ◊ su pedruvae dhue fut a nue e ispitzulandho pariat muschitu! Terminologia iscientìfica crp, laria pisorum, spermophagus subfasciatus Ètimu srd. Tradutziones Frantzesu charançon Ingresu weevil Ispagnolu escarabajo de las legumbres, gorgojo Italianu tónchio Tedescu Samenkäfer.

urgugiòne , nm: orguloni, urguglioni, urgulloni, urguzone Definitzione bobboi piticu, niedhu, chi faet in su trigu incungiau Sinònimos e contràrios alguzone, gruguglioni*, ilguzone, suzone Frases s'urgulloni ponit in su trigu e in s'órgiu 2. cust'idea est un'urguzone chi li est rodendhe su chervedhu Terminologia iscientìfica crp, calandra granaria Tradutziones Frantzesu charançon Ingresu corn-weevil Ispagnolu gorgojo Italianu punteruòlo del grano Tedescu Kornwurm.

«« Torra a chircare