Ditzionàriu in línia
de sa limba e de sa cultura sarda

cagaítas , nf pl: calighitas Definitzione tzilighitu, su toca toca chi si faet segundhu su tretu de sa carena po fàere erríere a unu chi dhu timet Sinònimos e contràrios catigati, chighirighitu, chilighili, chitirighítili, corigori, fallústia, pitigoti, ratapese, sgrighita, sintzirigu, tzilighita, tzillidetzíllighe, tzintzirighilli Ètimu srd. Tradutziones Frantzesu chatouillement Ingresu tickle Ispagnolu cosquillas Italianu sollético Tedescu Kitzel.

chighirighítu , nm: chilighiti, chilighitu, chirigati, chirighitas, chirighiti, chirighitu, crighillita, ghirighita Definitzione tzilighitu, su toca toca chi si faet segundhu is tretos de sa carena po fàere a erríere a unu físchidu a su tocamentu Sinònimos e contràrios cagaitas, catigati, chilighili, corigori, fallústia, pitigoti, ratapese, sgrighita, sintzirigu, tzilighitas, tzillidetzíllighe, tzintzíligu Frases ita prexerosu chirighiti mi fais! 2. su ballu melodiosu mi ponit chilighitu Ètimu srd. Tradutziones Frantzesu chatouillement Ingresu tickle Ispagnolu cosquillas Italianu sollético Tedescu Kitzel.

corigóri , nm: corigoru Definitzione tzilighitu, su toca toca chi si faet in calecunu tretu de sa carena po fàere erríere a unu físchidu Sinònimos e contràrios cagaitas, catigati, chilighili, chitirighítili, fallústia, pitigoti, ratapese, sgrighita, sintzirigu, tzilighitas, tzintzíligu, tzintzirighilli Frases dia cherrer fàghere su corigori a sos coros ammalmiados dae sa trisura ◊ candho est dormida in paghe, si manu lezera ses, su corigori li faghe in ambas prantas de pes! Ètimu srd. Tradutziones Frantzesu chatouillement Ingresu tickle Ispagnolu cosquillas Italianu sollético Tedescu Kitzel.

mandhichíntzu, mandhichínzu , nm: mandhighinzu Definitzione su papare o istare manighendhe, papandho, nau fintzes de su chi podet fàere s'abba in su logu (ndhe pigat sa terra), in is materiales; coment'e unu abbruxoredhu in sa carre (mescamente in sa pedhe) chi batit sa gana de dha frigare o iscràfere; gana forte de calecuna cosa Sinònimos e contràrios mandhigadoria, maniconzu / iscalfíngiu, manichinzu, papignu, punghizu, ratinzu 2. che gatu candho est a mandhichinzu, de s'allegria no podet istare (P.Pireddu) Ètimu srd. Tradutziones Frantzesu corrosion, démangeaison, chatouillement Ingresu corrosion, itch, tickling Ispagnolu corrosión, picazón Italianu corrosióne, prurito, vellichìo Tedescu Korrosion, Juckreiz, Kitzel.