Ditzionàriu in línia
de sa limba e de sa cultura sarda

arramanàrxu, arramanàrzu , nm, nf: arramenarza, arraminarza, arremenarzu Definitzione erva de ràmine, genia de erba totu cambos tostaos e nodosos chi camminant meda asuta de terra, mala a bínchere (istrobbat meda inue si prantat cosa) Sinònimos e contràrios araminzu, eràmine, ereminzu, gràmene, norodhàsile, orodhasu, pastudrèmini, trèmini Terminologia iscientìfica rba, Cynodon dactylon Ètimu ltn. gramen + -ariu Tradutziones Frantzesu chiendent Ingresu spear grass Ispagnolu grama Italianu gramigna Tedescu Quecke.

cannajòni , nm Definitzione una genia de pastudrèmini: dhu narant puru carcàngiu longu e pei longu / c. de cresuri, c. cambas longas = erbavérrina; c. de àcua = Paspalum quadrifarium Sinònimos e contràrios peilongu Terminologia iscientìfica rba, Elytrigia repens Ètimu srd. Tradutziones Frantzesu chiendent Ingresu couchgrass, weed Ispagnolu grama de las boticas Italianu caprinèlla Tedescu Hundszahn.

gràmene , nm: gràmine, gràmmene Definitzione erva de ràmine, genia de erba chi camminat meda sutaderra faendho una pedhe totu cambos nodosos, tostaos (in is nodos, bogat arraighinas fines fines) mala a bínchere Sinònimos e contràrios araminzu, arramanarxu, codiarba, ilaila, norodhàsile, orgodhàsile, pastudrèmini Terminologia iscientìfica rba, Cynodon dactylon Ètimu ltn. gramen Tradutziones Frantzesu chiendent Ingresu scutch Ispagnolu grama Italianu gramigna Tedescu Fingerfennich, Fingerhundszahn.

orgodhàsile , nm: orodhàsile Definitzione erva de ràmine, genia de erba totu arraighinas nodosas, faet a una pedhe e in terra trebballada istrobbat, est mala a bogare, difícile a bínchere ca dónnia nodighedhu chi abbarrat torrat a tzeurrare Sinònimos e contràrios araminzu, arramanarxu, birdarràmene, codiarba, eràmine, ereminzu, gràmene, pastudrèmini Terminologia iscientìfica rba, Cynodon dactylon Ètimu srdn. Tradutziones Frantzesu chiendent Ingresu spear grass Ispagnolu grama Italianu gramigna Tedescu Hundszahn.

pastudrèmini , nm Definitzione erva de ràmine, genia de erba chi camminat meda sutaderra, totu cambos nuosos e tostaos (chi faent is arraighinedhas, fines fines, in is nodos) istrobbosa e mala a bínchere fintzes in logu trebballau Sinònimos e contràrios araminzu, arramanarxu, eràmine, gràmene, norodhàsile, orgodhàsile, orodhasu, trèmini Frases in bíngia su pastudrèmini tocat a dhu circai bèni po ndi dhu bogai totu Terminologia iscientìfica rba, Cynodon dactylon Tradutziones Frantzesu chiendent Ingresu scutch Ispagnolu grama Italianu gramigna Tedescu Hundszahn.