Legenda Incurtzaduras | Legenda Sìmbulos

bibbigòrra , nf, nm: bibbigorru, bigorra Definitzione genia de animaledhu chi in s'istade, mescamente a oras de basca, istat sèmpere cantandho; a logos narant bibbigorru a su tzintzigorru / bènniri su b., artziai is bibbigorrus a conca a unu = pigare sos becos, bènnere ideas macas a conca Sinònimos e contràrios angesa, cantaganta, chícula, cicirida, cicirigolla, ciriciri, cixigraxa, coibira, pisigorra, sissirigòscia, sitzigolla, tzitarra / bibbirrina, bibbirriu, bidhídhiri Frases ojamumia, seu totu istontonau parit ca portu in conca unu tallu de bibbigorras! 2. bibbigorru, bibbigorru, boga corru, boga papu ca ti nci papu! 3. ita non ti at a benni su bibbigorru de mi ponni in cuadru, no?! (R.Fresia)◊ su bibbigoru chi dhi fruscinàt in conca fiat sempri cudhu! Terminologia iscientìfica crp, tibicen plebejus Ètimu srd. Tradutziones Frantzesu cigale Ingresu balm-cricket Ispagnolu cigarra Italianu cicala Tedescu Zikade, Zirpe.

chícula , nf: chígala, chígua, chígula, cígiula, cígula, crícula, crígura Definitzione genia de bobboi chi assimbígiat a una musca, ma meda prus manna e cun is alas longas longas, chi in s'istade, mescamente a oras de basca e de sole, istat sèmpere cantandho; sa sonagedha prus pitica chi si ponet a su bestiàmene (pruschetotu a is angiones); forrigajola o àtera genia de aina po sonare in chida santa: est un'orrugu de làuru ispuligau e isperrau a una parte fintzes a 1/3 de sa longària: in s'isperradura si ponet una fògia de lau o de edra frisca segada a paris de sa linna / pàrrere una c. = abarrai sempri fuedhendi, cantendi Sinònimos e contràrios angesa, bibbigorra, cantaganta, cicirigolla, ciriciri, cixa, cixiredha, chíchela*, coibira, grígliu, pisigorra, sitzigarra, sitzigolla, tzítara, tzitarra / ttrs. chígura / tríchili, tringhitu, trinnedhu Frases sas chígulas cantant in su coro de s'istiu ◊ sas dies de s'istiu sa crícula si las passat cantendhe ◊ sa mémula de sas chígulas a ora de sole no finit mai! ◊ sa chígula cantat cun boghe arrughida 2. a sas anzones lis amus postu sas chígulas Terminologia iscientìfica crp, tibicen plebejus; snl Tradutziones Frantzesu cigale Ingresu balm-cricket Ispagnolu cigarra Italianu cicala Tedescu Zikade.

cicirída , nf: circirida, circida Definitzione genia de bobboi chi in is istades, mescamente a oras de basca, istat sèmpere cantandho Sinònimos e contràrios angesa, bibbigorra, cantaganta, chíchela, cicirigolla, ciriciri, cixa, cixigraxa, cixiredha, coibira, grígliu, pisigorra, sissirigòscia, sitzigarra, sitzigolla, tzítara, tzitarra Terminologia iscientìfica crp, tibicen plebejus Ètimu srd. Tradutziones Frantzesu cigale Ingresu balm-cricket Ispagnolu cigarra Italianu cicala Tedescu Zikade.

cigàla , nf Definitzione animaledhu de mare a corgiolu tostau che a su càvuru Sinònimos e contràrios cigaledha, papagóciula, sugàgia Terminologia iscientìfica crx, scyllarus arctus, scyllarides latus Ètimu ctl. cigala Tradutziones Frantzesu squille, cigale de mer Ingresu squill Ispagnolu cigala Italianu scìllaro Tedescu Bärenkrebs.

sitzigòlla, sitzigòrgia, sitzigòrra , nf Definitzione genia de animaledhu (assimbígiat a una musca manna meda) chi in s'istade, mescamente a oras de basca, istat sèmpere cantandho Sinònimos e contràrios bibbigorra, cantaganta, chícula, cicirida, cicirigolla, cixigraxa, coibira, pisigorra, sitzigarra, tzítara, tzitzirigòrgia Terminologia iscientìfica crp, tibicen plebejus Ètimu srd. Tradutziones Frantzesu cigale Ingresu balm-cricket Ispagnolu cigarra Italianu cicala Tedescu Zikade.

sugàgia , nf Definitzione animaledhu de mare a corgiolu tostau Sinònimos e contràrios cigala, papagóciula Terminologia iscientìfica crx Tradutziones Frantzesu petite cigale de mer Ingresu no nippers crab Ispagnolu cigala Italianu scìllaro Tedescu Bärenkrebs.

«« Torra a chircare