Ditzionàriu in línia
de sa limba e de sa cultura sarda

foscigàda , nf Definitzione su foscigare, atrotogiare Sinònimos e contràrios fortzicada, profizada, tontírgiu, trofigiada, trotoxadura | ctr. isprofizada Frases issu fit giambendhe: mi ndhe abbizaia dae su mudímine chi li beniat induninduna, de calchi momentu de isvàriu o una foscigada de mutzighile ◊ foscigadas de dolore de mata Ètimu srd. Tradutziones Frantzesu contorsion Ingresu contortion Ispagnolu contorsión Italianu contorsióne Tedescu Verwickelung, Verdrehung.

molisíca , nf Definitzione genia de móvia chi si faet coment'e in cunfidàntzia, a giogu, a ingestu (o fintzes pigandho in giru, a isfutidura) furriandho sa conca e abbasciandhodha a dónnia parte; fintzes cucurimelli e genia de furriotu de foedhos Sinònimos e contràrios foscigada, profizada, trofigiada, trotoxadura Frases no bastaiat unu, acondhe un'àteru, de batu, a màulu postu e faghindhe molisicas cun sa conca! 2. no istet dudosu: lasset custas molisicas de peràulas! (G.Ruju) Tradutziones Frantzesu contorsion Ingresu contortion Ispagnolu contorsión Italianu contorsióne Tedescu Drehung, Umschweife (Pl.).

profizàda , nf Definitzione su profizare Sinònimos e contràrios foscigada, molisica, tontírgiu, trofigiada, trotoxadura | ctr. isprofizada Ètimu srd. Tradutziones Frantzesu contorsion Ingresu contortion Ispagnolu contorsión Italianu contorsióne Tedescu Drehung, Verdrehung, Winden, Kontorsion.

totórgiu , nm: tratoxu, trotoxu Definitzione su totorgiai, móvia a iscutuladura, a furriadura (in su sensu chi girant is vites); in cobertantza, manera de fàere, genia de trassa, de murigu, de murigu malu a cumprèndhere / andai a totòrgius = coment'e saidendhe sa carena, zirèndhela pagu pagu de un'ala a s'àtera Sinònimos e contràrios foscighinzu, tortígiu, tortóigu Frases totu custus tratoxus, depint èssi daboris peus de is daboris de iscendiai ◊ avelenau, ses istau totu unu mesu dí a trotoxus ◊ s'argiau, comenti mi bit, tra totòrgius e agèmenus lébius, mi fait unu murrúngiu ◊ mancai su pilloni si ndi pesit a tratoxus, chi dh'isparu dèu dhu pigu! ◊ mamma cun d-una castiada mi faiat cúrriri su sànguni a trotoxu de conca a peis 2. gei nci nd'est de trotoxus in cussu dibbatimentu! Ètimu srd. Tradutziones Frantzesu contorsion Ingresu twisting Ispagnolu retorcimiento Italianu contorciménto Tedescu Winden.

trofigiàda , nf Definitzione su trofigiare Sinònimos e contràrios foscigada, ischirchinada, molisica, profizada Frases trofigiadas de dolore de mata Ètimu srd. Tradutziones Frantzesu contorsion Ingresu contortion Ispagnolu retorcimiento Italianu contorsióne Tedescu Winden.