Ditzionàriu in línia
de sa limba e de sa cultura sarda

fantasiósu , agt Definitzione de sa fantasia, chi pertocat sa fantasia, chi est fatu a fantasia, pentzau, immaginau; chi paret cosa de fantasia de cantu est bellu, ispantosu Sinònimos e contràrios ispantosu, meravizosu, pantasiosu Ètimu itl. Tradutziones Frantzesu qui a beaucoup d'imagination, fantastique Ingresu fanciful Ispagnolu fantasioso Italianu fantasióso, fantàstico Tedescu phantastisch.

meravigliósu , agt: meravizosu Definitzione chi faet meravíglia, ispantu, de cantu est bonu, bellu o àteru Sinònimos e contràrios ispantosu, manninu, miríficu, stravanau Frases toca a t'intendi cun custa idea meravigliosa chi eis tentu! ◊ cussa música est unu cuncordu meravizosu ◊ mi ndhe allegro: bellu triballu azis fatu, meravizosu! ◊ azis una família meravizosa de fizos bravos e trabagliantes: Deus bos los mantenzat sanos e allegros!◊ sa patata in cuss'iscra ocannu bi at fatu meravizosa! ◊ niunu at àpidu babbu meravizosu che a su sou, amparadore meda e amansciosu (A.Langiu) Tradutziones Frantzesu merveilleux, fantastique Ingresu wonderful Ispagnolu maravilloso Italianu meraviglióso, fantàstico Tedescu wunderschön.