Legenda Incurtzaduras | Legenda Sìmbulos

malabíga , nf: marabiga, mariabiga, mariapica, marrabiga, marrapiga, melapica Definitzione genia de pigione matucu, froriu, faet sa boghe de tantas maneras, fintzes che àteros pigiones, portat pinnias asulas in is alas, biancas in s'ischina, coa niedha: in Sardigna est un'arratza unu pagu diferente, a bicu unu pagu prus curtzu Sinònimos e contràrios pica 1 Frases sa mariapica est a irgràrios ◊ mi parit una marabiga in pínnia mala ◊ sont ghiratos a bidha allegros che mariapica ◊ is marabigas aciocant su landhe e dhu tudant in àteru logu Terminologia iscientìfica pzn, garrulus glandarius ichnusae Ètimu srd. Tradutziones Frantzesu geai Ingresu jay Ispagnolu arrendajo Italianu ghiandàia Tedescu Eichelhäher, Gartenkrähe.

píca 1 , nf: piga 1 Definitzione genia de pigione mannitu, bellu, faet sa boghe pibidosa, de tantas maneras, fintzes che àteros pigiones, portat pinnias asulas in is alas, biancas in s'ischina, coa niedha: in Sardigna est una arratza unu pagu diferente, a bicu unu pagu prus curtzu / piga marina = puzone chi assemizat unu pagu a sa piga, prus che àteru in passera in Sardigna (coracia garrulus) Sinònimos e contràrios malabiga Maneras de nàrrere csn: rassu che piga… = marriu meda; allegru che pica = allirgu, prexau che pasca Frases sas pigas cun gridos de lamentu atutinant sas montagnas Sambenados e Provèrbios smb: Pica, Piga Terminologia iscientìfica pzn, garrulus glandarius ichnusae Ètimu ltn. pica Tradutziones Frantzesu geai Ingresu jay Ispagnolu arrendajo Italianu ghiandàia Tedescu Eichelhäher.

«« Torra a chircare