Ditzionàriu in línia
de sa limba e de sa cultura sarda

gentilèsa , nf: zentilesa Definitzione su èssere gentiles, manera de fàere de chie si faet istimare, o arresurtat aggradéssiu, chi si prestat po agiudare s’àteru Sinònimos e contràrios acatu, donosidadi / irfestu Tradutziones Frantzesu gentillesse Ingresu kindness Ispagnolu amabilidad Italianu gentilézza Tedescu Höflichkeit.

irféstu , nm Definitzione incuru, interessamentu, atentzione po s'àteru o po un'iscopu Sinònimos e contràrios gentilesa, interessamentu Frases ringràtzio a tie de s'irfestu chi t'as picau coment'e una vera sorre ◊ como mi naras cantu ti depo dare po totu cust'impinnu e irfestu chi t'as picau! Ètimu srd. Tradutziones Frantzesu gentillesse Ingresu kindness Ispagnolu amabilidad Italianu gentilézza Tedescu Freundlichkeit.

tzivilèsa , nf Definitzione dilighesa in su fàere, su èssere cumprios cun sa gente; fintzes civilidade, su èssere civiles Frases méritas favorida de cortégios cun sa piús menzus tzivilesa 2. anca semus tziviles, ma sa tzivilesa est a contu de pagu! Tradutziones Frantzesu gentillesse Ingresu politeness Ispagnolu cortesía, amabilidad Italianu cortesìa Tedescu Höflichkeit.