Ditzionàriu in línia
de sa limba e de sa cultura sarda

acabussòni 1 , nm Definitzione genia de pigione chi faet abbitu in is istagnos Sinònimos e contràrios afungaciolu, coàciu, cucumartzolu Frases me in su stani de Molentraxus agatant s'ambienti naturali sa pudha de àcua, s'acabussoni, sa púliga, is mangonis Terminologia iscientìfica pzn, poliocephalus ruficollis Tradutziones Frantzesu grèbe Ingresu little dive Ispagnolu zampullín chico Italianu tuffétto Tedescu Zwergtaucher.

cabítza 2 , nf Definitzione genia de pigione Sinònimos e contràrios acabussoni 1, catzolu, coaciolu, gangorredha Sambenados e Provèrbios smb: Cabitza, Cabizza Terminologia iscientìfica pzn, podiceps nigricollis Tradutziones Frantzesu grèbe Ingresu grebe Ispagnolu zampullín cuellinegro Italianu svasso minóre Tedescu Taucher.

catzolédhu , nm Definitzione una genia de pigione chi narant fintzes sórighe de riu, topi de arriu: sa petza no est bona a papare Sinònimos e contràrios acabussoni 1, afungaciolu, coàciu, cucumartzolu Terminologia iscientìfica pzn, poliocephalus ruficollis Tradutziones Frantzesu grèbe Ingresu dabchick Ispagnolu somorjugo Italianu tuffétto Tedescu Zwergtaucher.

catzólu , nm Definitzione genia de pigione de istàinu e de paule: in Sardigna solu in passada Sinònimos e contràrios coaciolu, gangorredha / acabussoni 1 Terminologia iscientìfica pzn, podiceps nigricollis Tradutziones Frantzesu petit grèbe Ingresu little grebe Ispagnolu zampullín cuellinegro Italianu svasso pìccolo Tedescu Schwarzhalstaucher.

coaciólu , nm: cuaciou, cuatolu Definitzione genia de pigione de abba, cun is peis prus addasegus: in Sardigna passat s'ierru ma no nidat Sinònimos e contràrios catzolu, gangorredha 2. oi in su mari aici pàsidu gei fait a fai su cuaciou! Terminologia iscientìfica pzn, podiceps nigricollis Ètimu srd. Tradutziones Frantzesu petit grèbe Ingresu grebe Ispagnolu somormujo de cuello negro, zampullín cuellinegro Italianu svasso pìccolo Tedescu Schwarzhalstaucher.

coàciu , nm Definitzione sórighe de riu, genia de pigione chi faet in is paules Sinònimos e contràrios acabussoni 1, afungaciolu, catzoledhu, cucumartzolu Terminologia iscientìfica pzn, poliocephalus ruficollis Ètimu srd. Tradutziones Frantzesu grèbe Ingresu dabchick Ispagnolu somorgujo Italianu tuffétto Tedescu Zwergtaucher.

gangòrra , nf Definitzione genia de pigione mannu chi faet in logos de benatzu (istagnu, lagu, girí), dormit e faet su nidu in s'abba: est pigione chi in Sardigna nidat puru e faet is pudhighinos a ispertiadas biancas e niedhas (a mannos su colore est de totunu andhare, iscurosu a parte de palas); si narat fintzes de àteras arratzas de pigiones prus mannos, de mare (colymbus immer, arcticus, c. stellatus) Sinònimos e contràrios malgone Terminologia iscientìfica pzn, podiceps cristatus Ètimu srdn. Tradutziones Frantzesu grèbe (zool.), plongeon Ingresu loon Ispagnolu somormujo lavanco Italianu svasso maggióre, stròlaga Tedescu Haubentaucher.

malgòne , nm: margone Definitzione genia de pigione mannu chi faet in logos benatzosos (paule, lagu), dormit e faet su niu in s'abba: est pigione chi in Sardigna nidat puru e faet is pudhighinos a ispertiadas biancas e niedhas; nau de gente, unu chi giughet trassas Sinònimos e contràrios gangorra / fraíciu, trassosu 2. bentos trasuleris e margones l'ant ammajadu e trobeidu! Terminologia iscientìfica pzn, podiceps cristatus Ètimu ltn. mergo, -onis Tradutziones Frantzesu grèbe Ingresu loon Ispagnolu somorgujo Italianu svasso maggióre Tedescu Haubentaucher.