Ditzionàriu in línia
de sa limba e de sa cultura sarda

fantasía , nf Definitzione abbilesa de pentzare, de immaginare cosas chi no si agatant, chi no funt, cosas diferentes de is chi si connoschent Sinònimos e contràrios inventiva, pantasia Frases ite chircas, mente mia, chi ses tantu fastizosa, sempre bolendhe prenetosa cun s'alada fantasia? ◊ tengu alliongiaus apari bisus e fantasias ◊ sa mente truncat sa trobea de sa rejone e pesat bolu peri sos chelos de sa fantasia ◊ s'ómine chentza fantasia est che unu frascu segau! Ètimu itl. Tradutziones Frantzesu imagination Ingresu fantasy Ispagnolu fantasía Italianu fantasìa Tedescu Phantasie.

inventíva , nf Definitzione capacidade de inventare Sinònimos e contràrios fantasia, immaginascione Frases custu contu est nàsciu de s'inventiva de is mannus (M.Simbula) Tradutziones Frantzesu imagination Ingresu imagination Ispagnolu inventiva, imaginación Italianu immaginazióne Tedescu Erfindungsgabe.