Ditzionàriu in línia
de sa limba e de sa cultura sarda

disaggradessiméntu , nm Definitzione su disaggradèssere, su no si ammentare de su bene arreciu Sinònimos e contràrios disaggradu, disconnoscéntzia, disconnoscimentu Ètimu srd. Tradutziones Frantzesu ingratitude Ingresu ingratitude Ispagnolu desagradecimiento, ingratitud (f) Italianu ingratitúdine Tedescu Undankbarkeit.

disaggràdu , nm Definitzione su disaggradèssere, su no si ammentare de su bene chi dhi ant fatu, su no ndhe tènnere praxere; fintzes dispraxere Sinònimos e contràrios disaggradessimentu, disconnoscéntzia, isconnoscéntzia / dispiachere Frases si saludeint a sa lestra e isse ndhe resteit unu pagu in disaggradu 2. dai su disaggradu pariat essida de se Tradutziones Frantzesu ingratitude Ingresu ungratefulness Ispagnolu ingratitud, desagrado Italianu irriconoscénza, ingratitùdine Tedescu Undankbarkeit.

disconnoscéntzia, disconnoschéntzia , nf Definitzione su no si ammentare de su bene chi dhi ant fatu, su tratare sa gente coment’e chi no dhi apat fatu bene essendho chi si dh’at fatu, su no ndhe fàere contu Sinònimos e contràrios disaggradessimentu, disaggradu, dispiachere, isconnoscéntzia Tradutziones Frantzesu ingratitude Ingresu ingratitude Ispagnolu ingratitud Italianu ingratitùdine Tedescu Undankbarkeit.