Legenda Incurtzaduras | Legenda Sìmbulos

cussolzàle , agt, nm: cussorgiale, cussorgiali, cussorjale, cussorxali, cussorzale Definitzione chi o chie faet abbitu in sa matessi cussòrgia, in su logu / sos cussorzales = sos pastores de sa cussorza, de acanta in su sartu; èssere cussolzale de unu logu = addatadu, ambientadu a su logu Sinònimos e contràrios oveale / afrontante, carrelalzu, carrerali, lacanante / lacanarju / cdh. cussugiali Frases apo preguntadu a sos cussorzales si mi ant bidu cussa tràila ◊ in cussos montes est cussorzale su mugrone ◊ cussorgiales e amigos furint a buca cosia ca timiant s'arrevesa de is ibbandhidos 2. passat su restu de s'istadiale dae agustu a santugabinu: dividios si sunt sos cussorjales Ètimu srd. Tradutziones Frantzesu limitrophe, voisin Ingresu neighbour (ing) Ispagnolu convecino Italianu stanziale, confinante Tedescu ständig, angrenzend, Nachbar.

giriscóngru , agt: giuriscongru Definitzione chi est a làcanas cun calecun’àteru Sinònimos e contràrios afrontante, cussolzale, lacanante, lacanarju Ètimu ltn. juris congrui Tradutziones Frantzesu limitrophe Ingresu neighbouring Ispagnolu limítrofe Italianu limìtrofo Tedescu angrenzend.

lacanànte, lacanànti , agt, nm: allacananti Definitzione chi o chie tenet sa matessi làcana cun calecun'àteru, chi tenet làcana a cumone Sinònimos e contràrios afrontante, carrabaju, giuriscongru, lacanarju, lacanesu Frases Illorai e Bolòtana sunt bidhas lacanantes ◊ totus seus lacanantis apari in su bèni e in su malu fai ◊ bidhas e zonas lacanantis Ètimu srd. Tradutziones Frantzesu limitrophe Ingresu neighbouring Ispagnolu limítrofe, colindante Italianu limìtrofo Tedescu angrenzend.

lacanàrgiu, lacanàrju, lacanàrzu , agt, nm Definitzione chi o chie tenet terrenu, propiedade, a costau de un'àteru; est fintzes chie che trochet sa làcana ispostandhodha po furare terrenu Sinònimos e contràrios afrontante, carrelalzu, cussolzale, lacanante Frases sos lacanarzos si sunt postos de acordu pro fàghere su serru a cumone ◊ e cantas currelladas ti faghias in sas bidhas lacanarzas e de atesu! Ètimu srd. Tradutziones Frantzesu limitrophe, voisin Ingresu neighbouring, neighbour Ispagnolu confinante, lindante Italianu confinante Tedescu angrenzend.

«« Torra a chircare