Legenda Incurtzaduras | Legenda Sìmbulos

agàju , nm Definitzione su pupujone o fràvula de sa bula, o fintzes campanedha o aginedhu de su gúturu Sinònimos e contràrios angaule, àngua, gagaju*, gargarista, linguedha, piredhu 1, saxinedhu Terminologia iscientìfica crn Tradutziones Frantzesu luette Ingresu uvula Ispagnolu úvula, campanilla Italianu ùgola Tedescu Uvula, Zäpfchen, Gaumenzäpfchen.

angaúle , nm Definitzione su pupujone o fràvula de sa bula, o fintzes campanedha o méndula de su gúturu, su fundhu de su felau, a parte de apalas Sinònimos e contràrios angale, àngua, gagaju, gargarista, linguedha, piredhu 1, saxinedhu Terminologia iscientìfica crn Ètimu srd. Tradutziones Frantzesu luette Ingresu uvula Ispagnolu úvula, campanilla Italianu ùgola Tedescu Gaumenzäpfchen.

gagàju , nm: gangàgiu, gangaju, gangazu, gargarju, gargarzu Definitzione su pupujone o fràvula de sa bula, o fintzes campanedha o méndula de su gúturu, su tretu unu pagu allonghiau de su chelu de sa buca, apalas, in mesu acanta a s’ingurtidórgiu / corpu de gagaju = genia de brínchidu de sa boghe chi a logos faent candho pronúnciant su fonema velare oclusivu surdu [k] apustis de vocale (es. su 'ane, sa 'astanza = su cane, sa castanza) Sinònimos e contràrios agaju, àngua, gargarista, linguedha, piredhu 1, saxinedhu Frases unu bucone de saliba si l'est arrematau in su gagaju ◊ pone binu ca nos ifundhimus su gagaju! ◊ s'est sapiu chi unu nodu li fit serrandhe su gagaju ◊ custu sí chi recreat, chi l'allegrat su gargarju! Terminologia iscientìfica crn Ètimu srd. Tradutziones Frantzesu luette Ingresu uvula Ispagnolu úvula Italianu ùgola Tedescu Uvula, Zäpfchen, Gaumenzäpfchen.

gargarísta, gargarístu , nf, nm: gragaristu Definitzione su tretu de s'ingurtidórgiu, su pupujone o fràvula de sa bula, o fintzes campanedha o méndhula de su gúturu / bufare a gargaristu = bufai a bruncu Sinònimos e contràrios agaju, àngua, gagaju, linguedha, piredhu 1, saxinedhu Terminologia iscientìfica crn Tradutziones Frantzesu luette Ingresu uvula Ispagnolu úvula Italianu ùgola Tedescu Gaumenzäpfchen, Zäpfchen, Uvula.

«« Torra a chircare