Ditzionàriu in línia
de sa limba e de sa cultura sarda

màimmaru , nm: màlmaru, màlmuru, màmmaru, màrmaru, màrmori, màrmuri, màrmuru Definitzione genia de orroca de pedra carcària, pretziada meda, crara agiummai bianca a venas in colore de chinisu, colore de orrosa, birdes: si agatat in d-unos cantu logos (es. in Teulada est de m. su Monte Lapanu, in Orane su monte de Gonare)/ aturai de màrmuri = abbarrare sicu, trassidu, intendhindhe carchi cosa chi no s'ispetat Frases is arrocas innòi funt de màrmuri ◊ gighiat sa manu frita che màmmaru ◊ li ant fraigadu sa chéjia cun addainanti s'istàtua de màrmaru biancu ◊ ant iscritu sos lúmenes in d-una lastra de màlmaru Terminologia iscientìfica mnr Ètimu ltn. marmor Tradutziones Frantzesu marbre Ingresu marble Ispagnolu mármol Italianu marmo Tedescu Marmor.

marmarínu , agt: marmurinu Definitzione chi est de màrmuri Sinònimos e contràrios marmureri Frases est de pedra marmarina Ètimu srd. Tradutziones Frantzesu de marbre Ingresu marmorean Ispagnolu marmóreo Italianu marmòreo Tedescu marmorn.

mummulòni , nm: mumuglione Definitzione genia de pische de mare de sabore bonu meda, a ispertiadas largas de colore iscuriosu e a istúturu in is fiancos Sinònimos e contràrios múlmura, mumungioni* Terminologia iscientìfica psc, lithoniathus mormyrus Tradutziones Frantzesu marbré Ingresu sea bream Ispagnolu herrera Italianu mórmora Tedescu Marmorbrasse.

mumungiòni , nm: murmungioni, murmunzone, murmuzone Definitzione genia de pische de mare de sabore bonu meda Sinònimos e contràrios múlmura, mummuloni, murruda Frases ammisturu òrgunus, caponis, mumungionis, lissa… una bella cassola! ◊ su mumungioni est unu pisci biancu chi portat sa conca apuntida Terminologia iscientìfica psc, lithoniathus mormyrus Ètimu ltn. *mormyrione(m) Tradutziones Frantzesu marbré Ingresu sea bream Ispagnolu herrera Italianu mórmora Tedescu Marmorbrasse.