Legenda Incurtzaduras | Legenda Sìmbulos

ammalétzu , nm: ammeléciu, ammelessu, ammeletzu, meléciu Definitzione su chi si narat de pena o de male po fàere a tímere, fàere istorrare a unu de calecuna cosa Sinònimos e contràrios abbrúnchiu, ammalústiu, ammeletzamentu, amminetu, assenetzu, meneta | ctr. frandhigu, losinga Ètimu srd. Tradutziones Frantzesu menace Ingresu threat Ispagnolu amenaza Italianu minàccia Tedescu Drohung.

menèta , nf, nm: menetza, minata, mineta, minetu, minetza Definitzione su chi si narat po fàere a tímere, fàere furriare o istorrare a unu de calecuna cosa / istare, èssere a minetas = sempri ammaletzendi Sinònimos e contràrios ammaletzu, amminetu, assenetza | ctr. frandigu, losinga Frases sa bidha fit torrata unu burdellu niedhu chin protestas e minetzas ◊ pissichitu a minetzas e archibbusatas, Ispilicambas nche fit pénnitu a su rivu ◊ mancu cun sos minetos lu currezes cussu cristianu! Ètimu ltn. minacia Tradutziones Frantzesu menace, intimidation Ingresu menace Ispagnolu amenaza, intimidación Italianu minàccia, intimidazióne Tedescu Drohung.

minetàu , pps, agt Definitzione de minetare; chi dh'ant ammeletzau Sinònimos e contràrios ammeletzau | ctr. audidu 2. isse timiat ca fit minetau Tradutziones Frantzesu menacé Ingresu threatened Ispagnolu amenazado Italianu minacciato Tedescu bedroht.

periculósu , agt: perigulosu, pirigulosu Definitzione chi podet fàere male, dannu; chi est sugetu a andhare o a fàere male; chi est dàbbile, chi podet acontèssere (cosa chi no si bolet) Sinònimos e contràrios dàbbile, possíbbile, sugetu | ctr. securu Frases is antigos teniant meda in cunsideru logos, oras e dies chi po issos furint perigulosos ◊ no toches cussa cosa ca no ischis it'est, no siat perigulosa! ◊ a lassare tropu sos fizos minores a conca issoro est perigulosu 2. cussu taulone in tàntaris est perigulosu chi ndhe ruat 3. perigulosu chi proat, oe, annuadu coment'est! ◊ in cussas iscalinas, a denote e chentza lughe, est perigulosu de s'iscollare puru Ètimu itl. Tradutziones Frantzesu dangereux, qui menace ruine Ingresu dangerous, shaky Ispagnolu peligroso, ruinoso Italianu pericolóso, rischióso, pericolante Tedescu gefährlich, gefährdet.

«« Torra a chircare